Марк 16:9 - Наа Молҷағ

⁹ Неделяның пастағы кӱнінде иртен ирте Иисус тіріл парған. Пастап Ол хаҷан-да читі айна-чигін сығарған Мария Магдалинаа кӧрін парған.

Марк 16:9 ပူးပေါင်းရင်းမြစ်များ

Матфей 27:56

Оларның аразында Мария Магдалина, Иаковнаң Иосийнің іҷезі Мария паза Зеведей оолларының іҷезі полғаннар.

Марк 15:40

Мындох ипчілер оортахтын кӧр турғаннар. Оларның аразында Мария Магдалина, Кічіг Иаков паза Иосий харындастарның іҷезі Мария паза Саломий полғаннар.

Марк 15:47

Мария Магдалина паза Иосийнің іҷезі Мария Иисусты хайада чығаннарын кӧргеннер.

Марк 16:8

Ипчілер, аннаң сығып, ӱрӱкеннеріне тітіреп ала, хуюдаң тис чӱгӱргеннер. Хорыхханнарына пірдеезіне пір дее ниме чоохтабааннар.

Лука 24:10

Ана олар: Мария Магдалина, Иоанна, Иаковтың іҷезі Мария паза оларнаң хада полған пасха даа ипчілер пу нимелердеңер илҷілерге чоохтап пиргеннер.

Лука 8:2

Оларнаң хада Иисус чабал хуттардаң паза ағырығлардаң имнебіскен ипчілер полғаннар. Оларның аразында істінең читі чабал хут сығардырған Магдалина тіп солалығ Мария полған.

Иоанн 20:12

анда аппағас киптіг ікі ангелні кӧр салған. Олар Иисустың сӧӧгі чатхан орында: пірсі – пазында, пірсі, тізең, азаанда, одырғаннар. –

Илҷілернің 20:7

Суббота иирде ӱгренҷілер Павелзер халас сындырарға чыылысханнар. Пазағы кӱнінде чорыхха сығарға итчеткеннеңер, Павел ӱгренҷілернең хада орты харааға теере чоохтасхан.

1 Коринфтегілерге 16:2

Мин килзем, ахча чыып чӧрбес ӱчӱн, полғаны ла тоғынған ахчазынаң пир поларын позырах сай чыынып одырзын.

Азых чоох 1:10

Позырахта, Худай кӱнінде, Худай Худының кӱзі мағаа тол парыбысхан, анаң кистімде, пырғы тартхан осхас, ӧтіг ӱнні ис салғам: – Мин Альфа паза Омега, пастағызы паза халғанҷызы полчам.