Марк 16:20 - Наа Молҷағ

²⁰ Ӱгренҷілері, тізең, тиксі чирлерге тарас парып, ӱгрет чӧргеннер. Хан Худай, оларның сӧстерін хайхастығ танығларнаң киречілеп, оларға полысхан. Аминь.

Марк 16:20 ပူးပေါင်းရင်းမြစ်များ

Марк 16:19

Іди Хан-пиг пуларнаң чоохтасхан соонда, ӧӧрлебізіп, Худайның оң саринда одыр салған.

Лука 1:1

Пістің арабыста полған нимелердеңер изерістіре пас саларға кӧп кізі кӱстенген.

Лука 1:2

Ол нимелерні иң пастабох кӧріп алып, Чахсы Хабар ӱгретчілері пол парған кізілер піске аннаңар искіргеннер.

Илҷілернің 14:3

Андағ даа полза, Павелнең Варнава, мында илееде ӱрге халып, Хан Худайдаңар чалтанмин ӱгреткеннер. Худай Позының паарсазын пирчеткенін таныхтап, илҷілерге танығлар паза хайхастар идерге кӱс пирчеткен.

Илҷілернің 4:30

Син, тізең, Иисустың, Ах-арығ Нымысчының, адынаң кізілерні имнирге паза танығларнаң хайхастар идерге холыңны алнынзар сун.

Илҷілернің 5:12

Илҷілер кӧп хайхастар паза танығлар чон аразында ит чӧргеннер. Прай киртінчеткен чон Соломонның колоннадазында хада чыылыс турҷаң.

Римдегілерге 15:19

Ол анзын танығларнаң паза хайхастарнаң, Худай Худының кӱзінең иткен. Аннаңар мин Христостың Чахсы Хабарына Иерусалимнең Иллирикке читкенҷе ӱгрет парғам.

2 Коринфтегілерге 6:1

Піс, тізең, Худайнаң хада тоғынчатханнар, Ол пирген паарсасты сірерні тик ле алған полбазыннар тіп, сірерге алданчабыс.

Еврейлерге 2:3

Аннаңар андағ илбек арачыланысты хыйа идіп, хатығластаң хайди осчаң поларбыс. Пу арачыланыстаңар пастап Хан-пиг Позы чарлаан полған. Аны искен кізілер, тізең, піске пу ӱгредігнің сын полчатханын кӧзіткеннер.

Еврейлерге 2:4

Ағаа хоза Худай, хайхастарны, танығларны паза аймах-пасха таңнастығ киректерні киречілес идіп, Худай Худының сыйыхтарын Позының кӧңнінҷе ӱлестірген.