Марк 16:17 - Наа Молҷағ

¹⁷ Киртінгеннері, тізең, мындағ танығлар аларлар: Минің адымнаң айналарны сығарарлар, наа тіллернең чоохтазарлар,

Марк 16:17 ပူးပေါင်းရင်းမြစ်များ

Марк 9:38

Андада Иоанн теен: – Ӱгретчі! Піс Синің Адыңнаң айналарны сығарған кізіні кӧргебіс, че ол пістің арабыстаң нимес. Ол пістің арабыстаң ниместеңер, піс ағаа чабал хуттарны сығарарға чаратпаабыс. –

Лука 10:17

Читон ӱгренҷі, ӧрчіліг айлан киліп, чоохтаан: – Хан-пигібіс! Чахығны Синің адыңнаң пирзебіс, чабал хуттар даа пісті исчелер.

Иоанн 14:12

Сынны сірерге чоохтапчам, Мағаа киртінчеткен кізі Минің итчеткен киректерімні дее идер, Пабамзар парчатханымнаңар, аннаң даа кӧп идер.

Илҷілернің 10:46

Олар, иудей ниместернің пасха-пасха тіллернең чоохтазып, Худайны махтапчатханнарын искеннер нооза. Андада Пётр теен: –

Илҷілернің 16:18

Іди ол хыс кӧп кӱн ит турған. Павел, тарын парып, айнаа айланып, теен: – Иисус Христостың адынаң тіпчем сағаа, сых аннаң! Олох туста чабал хут хыстаң сых чӧрібіскен.

Илҷілернің 19:6

Анаң Павел оларзар холларын салғанда, оларға Худай Худы тӱскен. Ӱгренҷілер ухаанҷылааннар паза аймах-пасха тіллернең чоохтан сыхханнар.

Илҷілернің 2:33

Ол, Худайның оң саринзар кӧдіріліп, пирерге адалған Худай Худын, Пабазынаң алып, амды, сірер кӧргенни паза искенни, ӱстӱбіске чайыбысты.

Илҷілернің 5:16

Иерусалимзер хыриндағы саарлардаң даа кӧп кізі, ағырығларны паза чабал хуттарға хаптырғаннарны ағылып, килҷең. Оларның прайзы имненіп алҷаң.

Илҷілернің 8:7

Чабал хуттар кӧп кізідең аах-уух тӱзіп ала сығара чачырааннар, пас чӧр полбинчатхан паза ахсах кӧп кізі хазыхтан пар турған.

1 Коринфтегілерге 12:10

хайзына-да хайхастар идері, пасхазына ухаанҷылас, пасхазына хуттарны танып пілері, пасхазына аймах тіллер, пасхазына тіллерні чарыда чоохтиры пирілче.

1 Коринфтегілерге 12:28

Тигірибде Худай прайзын постарының орыннарына турғыс салған: пастағылары илҷілер, ікінҷілері ухаанҷылар, ӱзінҷілері ӱгретчілер. Аннаң андар кӧрзе, піреелеріне Ол хайхастығ кӱс пир салған, ідӧк чазылдырарын, полыс поларын, устап пілерін паза пасха тіллерні пирген.

1 Коринфтегілерге 12:30

Прайлары имнеп полчалар ба? Пасха тіллернең чоохтан полчалар ба? Прайлары чарыда чоохтапчалар ба?

1 Коринфтегілерге 13:1

Мин кізілернің паза ангеллернің тілінең чоохтасчатсам, че хынызым чох полза, хоғдырапчатхан тӱӱрдең, сыңылапчатхан сыыластаң артых нимеспін.

1 Коринфтегілерге 14:2

Кем таныс нимес тілнең чоохтанча, піреелері аны піл полбинчатханнаңар, ол чазыттарны Худай Худы пастыра асча. Ол кізілерге нимес, Худайға чоохтапча нооза.