Марк 16:16 - Наа Молҷағ

¹⁶ Киртінгеннері, кіреске тӱскеннері арачылалар, киртінмееннері чарғыладар.

Марк 16:16 ပူးပေါင်းရင်းမြစ်များ

Матфей 28:19

Парыңар, прай чоннарны Пабаның, Оолғының паза Худай Худының адынаң кіреске тӱзіріп, Мин сірерге идерге чахаан нимелерні толдырарға ӱгредіп, оларны Минің ӱгренҷілерім ит салыңар. Прай кӱннерде, тӱгенҷі тус тоозылғанҷа, Мин сірернең хадабын. Аминь.

Лука 8:12

Чол хазында тӱскен ӱреннер Худай сӧзін исчеткен кізілер полчалар. Сайтан, тізең, киліп, оларны киртінмезіннер паза арачылан полбазыннар тіп, ол сӧсті кізілернің чӱректерінең ал чӧрібісче.

Иоанн 20:31

Пу пічік сірерге Иисустың Мессий-Христос, Худайның Оолғы полчатханына киртінзіннер тіп пазылған. Іди киртініп, сірер чуртас аларзар.

Иоанн 3:36

Худайның Оолғына киртінчеткен кізінің мӧгі чуртазы пар; Худайның Оолғына киртінминчеткен кізінің, тізең, андағ чуртазы чоғыл, че Худайның хатығланғаны ағаа чидер.

Иоанн 3:5

Сынны чоохтапчам сағаа, кем суғдаң паза Хуттаң тӧреен, ол ла Худай хан-чирінзер кір полар, – нандырған Иисус. –

Иоанн 5:24

Сынны сірерге чоохтапчам, Минің сӧзім исчеткен паза Мині ысхан Пабама киртінчеткен кізі, мӧгі чуртастығ полып, чарғы алнында турбин, ӧлімзер апарчатхан чолдаң хыйа сығып, аннаң андар чуртап одырар.

Иоанн 6:29

Худайның сірердең сағыпчатхан кирее Аның ысхан Кізі Оолғына киртінері полча, – нандырған Иисус. –

Иоанн 6:35

Мин чуртас пирчеткен халаспын. Минзер килчеткен кізінің хаҷан даа азыранары килбес паза Мағаа киртінчеткен кізі хаҷан даа сухсабас.

Иоанн 6:40

Мині Ысханның кӧңні мындағ: Худайның Оолғын кӧрчеткен паза Ағаа киртінчеткен полған на кізі мӧгі чуртастығ ползын. Мин дее аны тӱгенҷі кӱнде тірілдір саларбын, – нандырған Иисус.

Иоанн 8:24

Аннаңар Мин сірерге, чазыхтығ ӱрирзер тіп чоохтаам. «Мин Минмін» тееніме киртінмезер, чазыхтығ ӱрирзер! –

Илҷілернің 10:43

Прай ухаанҷылар киречілепчелер Иисустаңар паза Ағаа киртінчеткен полған на кізінің чазыхтардаң Аның адынаң позып поларынаңар.

Илҷілернің 13:39

Прай нимеде, хайда сірер, Моисей Чахии пастыра чазыхтарыңнаң позып полбаазар, Ағаа киртінчеткеннернің полғаны ла Аннаң пастыра позып алар.

Илҷілернің 13:46

Андада Павелнең Варнава чалтанмин чоохтанғаннар: – Сірерге иң пурун Худай сӧстері чидерге кирек полған, че сірер, аны хыйа идіп, постарың постарыңны мӧгі чуртасха турыстығ нимес итчезер, піс, тізең, иудей ниместерзер айланчабыс.

Илҷілернің 2:38

Пётр, тізең, оларға теен: – Полғаныңар ла, чазыхтарыңнаң хыйа полып, чазыхтарыңны позыттыртып алар ӱчӱн, Иисус Христостың адынаң кіреске тӱзіңер. Андада Худай Худын тикке аларзар.

Илҷілернің 2:41

Аның сӧзін кӧңнілеріне киргеннері кіреске тӱскеннер, іди ол кӱн ӱс муңа чағын кізі хозылған.

Илҷілернің 22:16

Че, нимее сӱмненчезің? Турып, кіреске тӱс паза Иисус Хан-пигібіссер айланып, чазыхтарыңнаң арығлан». –

Римдегілерге 3:6

Чох, андағ нимес. Андағ полған полза, Худай тилекейні хайди чарғылирҷых?

Римдегілерге 4:24

че піске дее теелче. Піс Хан-пигібіс Иисус Христосты ӧліглердең тірілдірібіскен Худайға киртінчебіс. Ол пісті дее орта чоллығ кізілерге санир.

2 Фессалониктегілерге 2:12

Андада сынға киртінмееннері, че чазыхха хынғаннары прайзы чарғыладар.

1 Петрның 1:21

Аннаң пастыра сірер Худайға киртін парғазар. Худайға киртініс паза ізеніс аларларың ӱчӱн, Худай, Аны тірілдіріп, Ағаа сабланыс пирген.

1 Петрның 3:21

Амды піс тее суғ пастырох кіреске тӱсчебіс. Че анзы кізінің идінің кірін арығланғаны нимес. Ол Худайзар арығ чӱректіг айланғанын таныхтапча. Іди кіреске тӱскені Иисус Христостың тірілгені пастыра сірерні арачылапча.

Азых чоох 20:15

Кемнің ады-солазы чуртас пічиинде пазылбаан полған, ол кӧйчеткен кӧлзер тастатхан.

Азых чоох 21:8

Че хортыхтарға, киртініс чохтарға, чабал хылыхтығларға, кізі ӧдірчеткеннерге, оралысхахтарға, сыбырағҷыларға, сын нимес худайларға пазырчатханнарға паза прай чойларға кӧйчеткен сералығ кӧлде орын полар. Мынзы – ікінҷі ӧлім.