3 Улуғ абыстар Иисусты кӧп нименің ӱчӱн пыролап сыхханнар.
Улуғ абыстарнаң ах сағаллар пыролааннарында, Иисус пір дее ниме нандырбин турған.
Пилат Иисустаң сурған: – Синзің ме, Иудей ханы? Иисус ағаа нандырған: – Син тідің аны.
Пилат пазох Иисустаң сурған: – Пір дее ниме нандырбинчазың ма? Кӧр, синнең тоғыр хайдағ кӧп киречілестер.
Иисустың пазох пір ниме дее тапсабаанына, тізең, Пилат таңнаан.
Іди чоохтасхан соонаң, Пилат Аны позыдыбызарға харасхан. Че иудейлер хысхырысханнар: – Син аны позыдыбыссаң, Рим хағанына арғыс полбассың. Кем позын хан итче, ол хағанға ыырҷы полча.
