Марк 13:33 - Наа Молҷағ

³³ Ол тус хаҷан чит килерін пілбинчеткенде, кӧріңер, узубаңар, пазырыңар.

Марк 13:33 ပူးပေါင်းရင်းမြစ်များ

Матфей 25:13

Кип-чоохты тоозып, Иисус теен: – Сірер Кізі Оолғының килер кӱнін дее, тузын даа пілбинчезер, аннаңар сиргек полыңар. –

Марк 13:23

Сірер, тізең, китеніңер. Мин азынада чоохтап пирдім сірерге.

Лука 12:40

Кізі Оолғы сірер пір дее сағыбаан туста чиде салар, аннаңар хаҷан даа тимде полыңар.

Римдегілерге 13:14

Хан-пигібіс Иисус Христос Позы сірерге хуйах ползын. Иді-ханыңардаңар сағыссырасты хыҷыхтаныстарға айландырбаңар.

1 Коринфтегілерге 16:13

Сизіктіг полыңар, киртіністе сыдамах тудыныңар, пик сындырлығ полыңар.

Ефестегілерге 6:18

Аймах-пасха алданыстарнаң паза сурыныстарнаң полған на сай Худай Худы устаан оңдайынҷа пазыр турыңар. Прай ах-арығларның ӱчӱн Худайзар сурыныснаң сыбыра айланып, сиргек тудыныңар.

Колоссадағыларға 4:2

Сыбыра пазырчадыңар, пазырчатса, сиргек полыңар паза алғыстаңар.

Еврейлерге 12:15

Кӧріңер, Худайның паарсазынаң сірернің пірдеезі хал парбазын. Сірернің араңарда ачығ тамырлар ӧс парбазын. Олар ӧсчеткен чирлерде кӧп кізі ооларына оох парча.

1 Петрның 4:7

Че прай ниме тоозыларына чағдап одыр. Аннаңар чахсы, орта сағынып ал турыңар, пазырчатсаңар, сизіктіг полыңар.

1 Петрның 5:8

Китеніңер, сизіктіг полыңар. Ыырҷыңар, сайтан, ыыран чӧрчеткен ала парыс чіли, кемні чібізерін тілеп чӧрче.

Азых чоох 16:15

«Мына мин, оғыр чіли, кинетін килербін. Чалаас чӧрбес паза уйатха кірбес ӱчӱн, узубинчатхан паза постарының кип-азахтарын тимде тутчатхан кізілер часкалығлар», – тіпче Иисус.

Азых чоох 3:2

Худайымның алнында сірернің иткен киректеріңнің турыстығ полғанын кӧр таппинчам. Аннаңар сиргек полыңар паза пасхаларына, ӧлімге чағдап парғаннарға, кӱс киріңер.