Марк 13:13 - Наа Молҷағ

¹³ Минің адымның ӱчӱн сірерні прайзы хырт кӧрер. Че тоозазын сыдас парыбысхан на кізі арачылан халар.

Марк 13:13 ပူးပေါင်းရင်းမြစ်များ

Матфей 10:22

Миннең ӱчӱн сірерні прайзы хырт кӧрер, халғанҷызына теере сыдасхан кізі ле арачылалар.

Матфей 24:13

Тоозазын сыдас парыбысхан на кізі арачылан халар.

Матфей 24:9

Андада сірерні иреелеп ӧдірерлер. Минің адымның ӱчӱн сірерні прай чоннар хырт кӧрер.

Марк 13:12

Харындазы харындазын, пабазы палаларын ӧлімге пирер. Палалары, паба-іҷедең тоғыр кӧдіріліп, ӧлімге пирерлер оларны.

Лука 21:17

Минің адым ӱчӱн сірерні прайзы хырт кӧрер.

Лука 6:22

Часкалығзар сірер, хаҷан кізілер сірерні Кізі Оолғы ӱчӱн пу харахнаң кӧрбинчетселер, сӱрчетселер, сӧклепчетселер, сірернің адыңарны хомайлапчатсалар.

Иоанн 15:21

Мині Кем ысханын пілбинчеткеннерінеңер, сірер Минің ӱгренҷілерім полчатханнарың ӱчӱн, олар сірерге чабал идерлер.

Иоанн 17:14

Мин оларға Синің сӧзіңні читіргем, че Мин дее, олар даа пу чир-чалбахти полбааннарынаңар, чир-чалбахтағы кізілер оларны хырт кӧргеннер.

Римдегілерге 2:7

Чахсы киректерінең сабланысты, аарласты, ӧлім пілбес чуртасты сыбыра тілепчеткен кізілерге Худай мӧгі чуртас пирер.

Галат чиріндегілерге 6:9

Чахсы ниме итчетсеңер, кӧңніңер тӱспезін, тузы читсе, кӱзі-саабыс сых парбаза, чыыр нимені чыып аларбыс.

Еврейлерге 10:39

Піс хыйа айланыбысчатханнар паза ӧлім алчатханнар санынаң нимеспіс. Піс, худыбысты арачылап алар ӱчӱн, пик киртінчебіс.

Еврейлерге 3:14

Піс Христоснаң хада тоғынчабыс. Сынап пастабох алған чуртасты ікінҷілес чох читіре хайраллап халзабыс, іди ле пол турар.

Иаковтың 1:12

Сынағ иртчеткен кізі часкалығ. Ол сынағларны турыстығ иртіп алза, Худай Позына хынғаннарға сыйиин – молҷаан чуртасты пирер.

1 Иоанның 3:13

Харындастар, сынап сірерні чир-чалбахтағы кізілер хырт кӧрчетселер, хайхабаңар.

Азых чоох 2:10

Сірерге тӱзер хыйаллардаң хорыхпаңар. Кӧрерзер, сайтан, сірерні сыныхтирға тіп, хай піреелеріңні харибге чаап салар. Сірер он кӱн ирееленерзер. ӧдірттеечетсер, Мағаа киртінерін тастабаңар, анаң Мин сірерге чуртастың сабланыс таниин – веногын, пирербін.

Азых чоох 3:10

Сыдамах полыңар тіп пирген чахиимны хайраллааныңар ӱчӱн, Мин дее сірерні сидік сыныхтағ тузынаң хайраллирбын. Ол сыныхтағ, чир ӱстӱндегі чоннарны сыныхтирға тіп, прай тилекейге ызылар.