Марк 12:7 - Наа Молҷағ

⁷ Че виноград ӧскірҷеңнер пос аразында чӧптезібіскеннер: «Пу виноградник ээзінің пайын холға кирҷең чалғыс оолғы. Аны ӧдір салзабыс, пабазының пайы пісти полар».

Марк 12:7 ပူးပေါင်းရင်းမြစ်များ

Матфей 2:16

Андада Ирод, іскеркі хыйғаларға алаахтырт салғанын піл салып, уғаа тың тарын парған. Анаң Вифлеемдегі паза ол ибіре чирлердегі ікі частығ палаларны паза аннаң даа кічіглерні, хыйғалардаң піліп алған тусха килістіре тӧреен час палаларны, прай чох ит саларға чахығ ысхан.

Матфей 21:34

Чистек теерер тус чит килгенде, ол, чалҷыларын виноград ӧскірчеткеннерзер ызып, виноградтаң позының ӱлӱзін ағыл килерге чахаан.

Марк 12:12

Фарисейлер Иисусты тудып аларға сағын чӧргеннер, че чоннаң хорыхханнар. Олар пу кип-чоох постарынаңар полғанын сизінгеннер, аннаңар хыйа пас парыбысханнар.

Марк 12:6

Ол кізінің хынған чалғыс оолғы полған. Чалҷыларның соонаң ол аны ысхан: «Оолғымнаң чалтанарлар, арса» тіп.

Марк 12:8

Анаң оолғын, хаап, ӧдір салғаннар, сӧӧгін, тізең, оортах тастабысханнар.

Илҷілернің 2:23

Худайның кӧңні паза азынада пӧгінгені хоостыра сірер Иисусты хаап алғазар, анаң Моисей Чахиинаң чараспинчатхан кізілер пастыра Аны, кіреске позығнаң хазап, ӧдір салғазар.

Илҷілернің 5:28

Иисустың адынаң кізілерні ӱгредерге чарабас тіп, сірерні хатығлаабыс нимес пе зе? Че сірер ӱгредииңерні прай Иерусалимге тарат парчазар, Ол Кізінің тӧгілген ханын, тізең, піске найнирға итчезер.

Илҷілернің 7:52

Ухаанҷыларның хайзын сірернің ӧбекелерің сӱрбееннер? Олар пеер Арығ Чӱректіг Кізінің килерінеңер искірген ухаанҷыларны ӧдір салғаннар, сірер дее Аны, садып, ӧдірген кізілер пол пардыңар амды.

Еврейлерге 1:2

Пу халғанҷы кӱннерде, тізең, Ол піске Оолғының пастыра чоохтаан. Худай Оолғын прай нименің ээзі полар тіп чарат салған паза Аның пастыра тилекейні чайап салған.