Марк 12:15 - Наа Молҷағ

¹⁵ Че Иисус, чой хылыхтарын піле, оларға чоохтанған: – Нимее мині сынап одырзар? Динарий ахчаны ағыл пиріңер Мағаа, кӧрим аны.

Марк 12:15 ပူးပေါင်းရင်းမြစ်များ

Матфей 20:2

Ол чалланчатхан кізілерні кӱнде пір динарий ахча тӧлирге чоохтас салып, винограднигінзер тоғынарға ызыбысхан.

Матфей 22:18

Че Иисус, оларның кӧйтіктенчеткеннерін кӧріп, чоохтанған: – Чойырхостар, Нимее мині сынап одырзар?

Марк 10:2

Аныңзар фарисейлер пас киліп, сыни-кити сурғаннар: – Ирепчі кізее чарылызарға чарадылча ба?

Марк 12:14

Иисуссар пас киліп, олар тееннер: – Ӱгретчі! Піс пілчебіс, Син кӧні кізізің, пірдеезінең чалтанминчазың, пірдеезіне чалғанминчазың. Кем дее полза, син аны Худайның чолынҷа парарға сын ӱгретчезің. Чоохтап пир піске, Рим хағаныға албан тӧлирге кирекпіс пе алай чох па? Пирерге кирек пе алай чох па?

Марк 12:16

Олар ахча ағыл пиргеннер. Иисус олардаң сурған: – Пу динарийде кемнің сомы паза ады? – Хаған кізіни, – нандырғаннар олар.

Лука 20:23

Иисус, тізең, оларның кӧйтіктенчеткеннерін сизініп, теен: – Нимее мині сынап одырзар?

Иоанн 21:17

Иисус ӱзінҷі хати сурған: – Ионаның оолғы, Симон! Син Мағаа хынчазың ма? Іди Иисус «Мағаа хынчазың ма» ӱзінҷізін сурғанда, Пётр, хомзын парып, Иисусха нандырған: – Хан-пигім! Сағаа хынчатханымны, Син пілчезің. – Минің хойларымны хадар.

Иоанн 8:6

Олар, Иисусты сыныхтап, Аны пыролаҷаң пірее ниме табар ӱчӱн іди чоохтанғаннар. Че Иисус, мӧкейіп алып, оларға хайығ салбин, хол салаазынаң чирде ниме-де пазып одырған.

Илҷілернің 5:9

Сірер Худай Худын сыныхтирға чӧптезіп алғазар ба хайдағ? Мына, синің апсааңны чыып салған кізілер ізіктең кіріп одырлар. Сині дее сығар парыбызарлар, – теен ағаа Пётр.

1 Коринфтегілерге 10:9

Оларның піреелері, Христосты сынап, чыланнардаң ӧлгеннер. Піс Христосты сынабааңар.

Еврейлерге 4:13

Худайдаң пір дее ниме чазыр полбассың. Прай чайалған ниме Аның хараа алнында паза Ағаа азых. Аның алнында піс иткен киректерібіс ӱчӱн нандырығ тударбыс.

Азых чоох 2:23

Мин аның палаларына ӧлім ызарбын. Кізілер чӱректерінің паза сағыстарының сыныхтағҷызы полчатханымны прай тигіриблер піліп аларлар. Сірерге, полғаныңарға ла, иткен киректерің хоостыра тӧлеп пирербін.