Марк 10:33 - Наа Молҷағ

³³ Мына піс Иерусалимзер парирбыс. Анда Кізі Оолғын, садып, улуғ абыстарның паза Моисей Чахии пілігҷілерінің холына пирібізерлер. Олар Аны, ӧлімге чарғылап, пасха худайлығларның холына пирібізерлер.

Марк 10:33 ပူးပေါင်းရင်းမြစ်များ

Матфей 16:21

Ол тустаң пасти Иисус ӱгренҷілеріне Позының Иерусалимзер парарға кирек полчатханынаңар, анда ах сағаллардаң, улуғ абыстардаң паза Моисей Чахии пілігҷілерінең кӧп ирее кӧрерінеңер, соонаң оларға ӧдірт салып, ӱзінҷі кӱнінде, тізең, тіріл килерінеңер кӧні чоохтап пастаан.

Матфей 26:66

Ниме сағынчазар? – Ол пыролығ, аннаңар ӧл парзын! – нандырғаннар олар.

Матфей 27:2

Анаң Иисусты, палғап алып, Римдегі Хағанның адынаң мында пастых полчатхан Понтий Пилатсар апарғаннар.

Марк 14:64

Худайны хайди нимее салбинчатханын истер бе сірер? Ам хайди идерге аны? Иисусты, прайзы пыролыға санап, ӧлімге чарғылааннар.

Марк 15:1

Иртеніндӧк, улуғ абыстар, ах сағаллар, Моисей Чахии пілігҷілері паза прай ӧӧркі чарғы чӧптескен соонда, Иисусты, палғаттырып, Пилатсар апарғаннар.

Марк 8:31

Анаң Ол Кізі Оолғына кӧп чобаларға кирек полчатханнаңар, ах сағаллар, улуғ абыстар паза Моисей Чахии пілігҷілері Аннаң тоғыр поларларынаңар, Аны ӧдірерлерінеңер, че ӱзінҷі кӱнінде Ол тіріл парарынаңар ӱгреде чоохтаан.

Марк 9:12

Иисус оларға нандырған: – Анзы сын. Илия, пурун киліп, прай ниме тимнеп саларға кирек. Кізі Оолғына за, пазылғанни, кӧп ирее паза хыйыхтас кӧрері тӱсче.

Лука 23:21

Че кізілер «Хазирға! Хазирға Аны!» тіп хысхырысханнар.

Лука 9:22

Кізі Оолғына кӧп ирееленерге килізер: ах сағаллар, улуғ абыстар паза Моисей Чахии пілігҷілері Аны, постарынаң хыйа идіп, ӧдір саларлар, че ӱзінҷі кӱнінде Ол тіріл килер, – теен Ол.

Иоанн 18:28

Иртен иртӧк Иисусты Кайафадаң Пилаттың ӧргезінзер апарғаннар. Па́сха тіп ӱлӱкӱннің чиизін чиирге чарадылзын тіп, иудейлернің киртініс кибірлеріне тоғыр полбас ӱчӱн, иудей пастыхтары Пилаттың туразынзар кірбееннер.

Иоанн 18:32

Иисустың хайдағ ӧлімнең ӧл парарынаңар чоохтаан сӧстерінің тол парары ӱчӱн, мындағ чоох пол парған.

Иоанн 19:11

Сағаа Худайдаң пирілбеен полза, Мині чарғылаҷаң пір дее ӱлгӱң чох поларҷых. Мині садыбысхан кізілернің чазығы синің чазығыңнаң улуғ, – нандырған Иисус.

Илҷілернің 13:27

Иерусалимнің чуртағҷылары паза оларның пастыхтары Аның Арачылағҷы полчатханын даа, суббота сай хығырылчатхан ухаанҷыларның сӧстерін дее піл полбааннар. Іди олар, Иисусты чарғылап, ухаанҷыларның сӧстерін толдыр салғаннар.

Илҷілернің 20:22

Амды мин Худай Худы кӧңнінҷе Иерусалимзер парчам. Пілбинчем, ниме анда мині сағыпча.

Иаковтың 5:6

Сірер ах-арығ кізіні, чарғылап, ӧдір салғазар. Ол сірерге тоғырланмаан.