Марк 1:35 - Наа Молҷағ

³⁵ Иисус, иртенӧк турып, ээн чирзер парып, анда ағылахти пазырған.

Марк 1:35 ပူးပေါင်းရင်းမြစ်များ

Матфей 14:13

Иисус, Иоаннаңар ис салып, кимее одырып, хуу чазызар алдыра, чалғызан полып аларға тіп, чӱс парыбысхан. Кізілер, Иисустың чӱс парыбысханын истіп, саарларынаң Аның соонҷа суғ хастада чазағ парғаннар.

Матфей 14:23

Чонны позыдыбыспинаң, Ол, чалғызан пазырып аларға тіп, тағзар парған. Иирде дее Ол анда чалғызан полған.

Марк 1:36

Симон паза хада полған ӱгренҷілері Иисусты тілеп сыхханнар,

Лука 5:16

Иисус, тізең, кізі чох чирлерзер парып, пазырҷаң.

Лука 6:12

Олох кӱннерде Иисус пазырарға тағзар сыххан. Хараазын Худайға пазырып иртірген.

Иоанн 4:34

Мині ысхан Пабамның кӧңнін толдырып, Аның киреен ит салары Минің чиизім полча, – нандырча Иисус. –

Иоанн 6:15

Иисус кізілернің Позын, тудып алып, кӱснең иудейлернің ханы идерге итчеткеннерін піл салып, хатап тағларзар чалғызан парыбысхан.

Ефестегілерге 6:18

Аймах-пасха алданыстарнаң паза сурыныстарнаң полған на сай Худай Худы устаан оңдайынҷа пазыр турыңар. Прай ах-арығларның ӱчӱн Худайзар сурыныснаң сыбыра айланып, сиргек тудыныңар.

Филипптегілерге 2:5

Сірернің пілінізіңер Иисус Христости осхас поларға кирек:

Еврейлерге 5:7

Иисус чир ӱстӱнде чӧргенде, пазырып ала, харах чазын тӧгіп, оорлап, Худайны алдаан. Аның Иисусты ӧлімнең ал халар оңдай полған нооза. Иисус, Худайны улуғлап, Аның чооғын искен, аннаңар Худай Аның алданызын ис салған.