Лука 8:44 - Наа Молҷағ

⁴⁴ Ол ипчі, Иисуссар кистінең пас киліп, Аның кип-азаана холын теертібіскен. Сах андох хан ахханы тохтап парған. –

Лука 8:44 ပူးပေါင်းရင်းမြစ်များ

Матфей 20:34

Иисус, оларға айап, харахтарына теңен. Сах андох олар кӧр сыхханнар, анаң Аның соонҷа парғаннар.

Матфей 8:3

Йа, хынчам, – тіп ала, холын сунып, ол кізее теертібіскен Иисус. – Арығ пол пар! Сах андох чызығ палығлығ кізі арығ пол парған.

Матфей 9:20

Ол туста он ікі чыл ханы ағып ағырчатхан ипчі, Иисуссар кистінең пас киліп, Аның кип-азаана холын теертібіскен.

Марк 6:56

Иисус килген не чирде, саарда алай аалда ба, Андар ағырығ кізілерні ағылып, ачых чирде салып, Аның кип-азаана хол даа теертіп аларға сурынғаннар. Ағаа теңеннері чазылғаннар.

Лука 13:13

Анаң холларын ол ипчее салғандох, анзы, чіке турыбызып, Худайны саблап сыххан.

Лука 7:38

Ол ипчі, Иисуссар кистінзертін пас киліп, азағына тӱзіп, ылғап, Аның азахтарына харах частарын тӧгіп, састарынаң оларны хуруда чысхлаан. Анаң Аның азахтарын, охсанып, тадылығ чыстығ миро хайахнаң сӱртклеп сыххан.

Лука 8:43

Оларның аразында он ікі чыл ханы ағып ағырчатхан ипчі полған. Ол нинҷе пар ниме-ноозын прай имҷілерге хорат салған полған, че пірдеезі аны имнеп полбаан.

Лука 8:45

Кем Мағаа теңді? – сурған Иисус. Теңен кізі табылбаанда, Пётр паза Аннаң хада полған кізілер теенер: – Ӱгретчі, Синнең ибіре кізілер, ітклезіп, парчалар. Син, тізең, кем Мағаа теңді тіп сурчазың. –

Иоанн 5:13

Иисус анда турған кізілернің аразында чіт парыбысханнаңар, имненіп алған кізі Аның кем полғанын пілбеен.

Илҷілернің 19:12

Ағырығ кізілерзер аннаң ал халған хол платтарын алай ба хурларны салып, ағырығларын тохтатчаңнар, чабал хуттар даа олардаң сых парыбыс турҷаңнар.

Илҷілернің 5:15

Ирт париған Пётрның кӧлегі дее хай піреезіне теңзін тіп, ағырығ кізілерні чол хазында турғысхан орғаннарға, тӧзектерге чаттырғаннар.