40 Кізілер Иисустың килерін сағааннарынаңар, Иисус нандыра айлан килгенде, кӧп кізі Аны удурлаан.
Иисус, кимее одырып, нандыра кизіп, Позының саарынзар килген.
Іди Давид позы Аны Хан-пигім тіп адапча. Хайди Мессий-Христос аның тӧлі полҷаң андағда? Кӧп чон Аны чӧпсініп истіп одырған.
Иисус кӧл озаринзар хатап кис парғанда, Аныңзар чон сӱрееліг чыыл килген. Ол кӧл хазында полған.
Ирод, Иоанның арығ чӱректіг, Худайның ах-арығ кізізі полчатханын піліп, аннаң хорыххан паза хайраллаҷаң аны. Ол Иоанның сӧзінҷе кӧп ниме итчең паза аның чоохтарын хынып исчең.
Че, прай чон Аның чооғын искеннең истіп ле турғаннаңар, анзын толдырар оңдай пір дее таап полбинчатханнар.
Ол, табырах ла тӱзіп, Иисусты ӧрчіліг удурлаан.
Пірсінде Иисус Галилей чиріндегі Геннисарет кӧлнің хазында турчатхан. Кізілер, тізең, Худай сӧзін истерге тіп, Аннаң ибіре хыстынысханнар.
Ибіңзер парып, кізілерге чоохта, хайдағ улуғ ниме ит пирген сағаа Худай. Ол кізі, нанып, Иисустың позына ниме иткенін прай саарҷа чоохтап чӧрген.
Иоанн, кӧйіп, чарыпчатхан сівечі осхас полған, сірер аның чариин ӧрчіліг удурлаазар, че ол ӱр нимеске полған.
Мин сах андох синзер кізілер ысхам. Син, пеер киліп, чахсы иттің. Амды, Худайның сағаа чахаан нимелерінің прайзын истіп аларға тіп, піс прайзыбыс Худай алнында турчабыс.