28 Ол кізі, Иисусты кӧр салып, хысхыра тӱскен, анаң, алнында тізекке тӱзіп, тыыда чоохтан сыххан: – Ниме кирек Сағаа миннең, Иисус, Ӧӧркі Худай Оолғы? Иреелебе мині, алданчам.
Олар, килбинең, чабал хысхыр сыхханнар: – Ниме кирек Сағаа пістең, Иисус, Худай Оолғы? Син пісті, тус читкелеккеӧк, иреелирге килдің ме?
Иисус чарға сых килгенде, Ағаа саардаң килген пір кізі тоғас парған. Ол кізі, ӱрдең пеер чабал хуттарға хаптыртып, пір дее кип-азах кис чӧрбинчеткен паза, турада чуртабин, сыыраттардағы кізі чығҷаң хуюларда полҷаң.
Аның алнында Иисус чабал хутха ол кізідең сых парыбызарға чахаан полған нооза. Чабал хут кізіні ӱр иреелеен. Ол кізіні, хадарып, ілҷірбенең палғап салҷаңнар, че анзы, ілҷірбелерні ӱзе тартхлабызып, чабал хутха сӱрдіріп, хуу чазызар чӱгӱре халҷаң. –
Син Худай чалғыс ла тіп киртінчезің? Чахсы итчезің! Айна-чиктер дее киртінчелер паза халтырапчалар.
Худай чазыхха тӱскен ангеллерні чир тӱбінің харасхызына айағ чох тастаан. Анда олар кинҷеліг Чарғы кӱнін сағыпчалар.
Иң пурунғыдаң пеер сайтан чазых итче, аннаңар чазых итчеткен дее кізі сайтанның кізізі полча. Худай Оолғы сайтанның киректерін чох идерге килген.
Оларны алаахтырған сайтан кӧйчеткен сералығ кӧлзер тастатхан. Андарох аң паза чой ухаанҷы тастаттыртханнар. Анда олар хараа-кӱнӧрте хаҷан даа иреелен турарлар.