Лука 8:10 - Наа Молҷағ

¹⁰ Иисус піди нандырған: – Сірерге Худай хан-чирінің чазыттарын пілерге пирілген, пасхаларына, тізең, кип-чоохтар ла пирілген. Аннаңар олар, кӧрзе дее, кӧрбинчелер, иссе дее, піл полбинчалар.

Лука 8:10 ပူးပေါင်းရင်းမြစ်များ

Матфей 11:25

Олох туста Иисус, чооғын узарадып, теен: – Пабам! Тигірнең чирнің Ээзі! Мынзын, пілістіглердең паза хыйғалардаң чазырып, кічіг палаларға ас пиргенің ӱчӱн Сині саблапчам.

Матфей 16:17

Андада Иисус ағаа чоохтанған: – Часкалығзың син, Симон – Ионаның оолғы. Сағаа анзын кізілер нимес, че Тигірдегі Пабам ас пирген.

Марк 4:11

Ол андада теен оларға: – Сірерге Худай хан-чирінің чазыттарын пілері пирілген. Тігі тоғырхыларға, тізең, прай нимені кип-чоохнаң на читірчем:

Марк 4:12

пос хараанаң кӧріп тее, кӧрбезіннер, пос хулаанаң истіп тее, оңарбазыннар. Андада олар пыросын полбастар, чазыхтары даа позыдылбас.

Иоанн 12:40

«Харахтары кӧрбезін тіп, чӱректері сизінмезін тіп, Худай пу чонның харахтарын чабысхан, чӱректерін, тізең, тас чіли, хатырыбысхан. „Имненіп аларға Минзер айланмазыннар тіп, піди иткем“, – тіпче Худай».

1 Коринфтегілерге 12:11

Прай пу нимені олох Хут итче. Ол аны Позының кӧңнінҷе, хайзына хайди ӱлирін ӧнетін кӧріп, итче.

Колоссадағыларға 2:2

Мин, оларның кӧңнілері кӧдірілзін, удур-тӧдір хынызып, пірге тудынзыннар тіп сағынчам нооза. Іди олар, сағыс пайына чидіп, Худай Пабаның Христос полчатхан чазыдын піліп аларлар.

1 Тимофейге 3:16

Ікінҷілес чох, пістің киртінізібістің илбек чазыды мындағ: Худай кізі ит-сӧӧгінде килген, Худай Худы Аны пір пырозы чох чарлаан. Ангеллер Аны кӧргеннер, Аннаңар чоннарға чоохталған. Тиксі-тилекейде Ағаа киртінгеннер. Худай сабланыснаң Аны ӧӧрлеткен.