Лука 7:8 - Наа Молҷағ

⁸ Минің дее позымнаң пӧзік пастыхтарым пар, позымның даа холында чааҷылар пар. Чааҷыларымның піреезіне «пар» тізем, анзы парадыр, пасхазына «кил» тізем, ол киледір; нымысчыма «мыны ит» тізем, ол идедір.

Лука 7:8 ပူးပေါင်းရင်းမြစ်များ

Лука 7:7

аннаңар позымны даа Синзер килерге турыстығ нимеспін тіп санадым. Син чахығ ла пирібіс, нымысчым хазыхтан парар.

Лука 7:9

Аны истіп, Иисус хайхап парып, соонҷа килчеткен чонға чоохтанған: – Тіпчем сірерге, мындағ киртіністі Мин Израильде дее кӧрбеем.

Илҷілернің 23:17

Павел, чӱспазыларның пірсін хығырып алып, теен: – Пу оолны муң чааҷы пазынзар апар сал. Аның ағаа чоохтаҷаң чооғы пар.

Илҷілернің 23:23

Анаң муң чааҷы пазы, чӱспазыларының ікізін позынзар хығыртыбызып, теен: – Мағаа ікі чӱс чазағ чааҷы, читон чалаңны паза чыдалығ ікі чӱс чааҷы тимнеп пиріңер. Олар ӱзінҷі час хараада Кесар саарзар парзыннар.

Илҷілернің 23:26

«Аарлығ Феликс пастыхха Клавдий Лисийдең чолабит.

Илҷілернің 23:31

Іди чааҷылар чахығ хоостыра Павелні хараазын Антипатрида саарзар апарғаннар.

Илҷілернің 24:23

Павелні, тізең, чӱспазына хадарарға чахығ пирген. Че хатығ тутпасха паза килген чағыннарына ағаа полызып тоғазарға харығ полбасха чахаан.

Илҷілернің 25:26

Че мин аннаңар хағанға пасчаң пір дее сын ниме таппин, сірернің алныңарға, ӧӧнінде синің ӱзӱрииңе, Агрипп хан, сығардым. Ӱзӱріг соонда мин ниме пасчаам пілербін.

Колоссадағыларға 3:22

Хуллар, сірернің пу чирдегі ээлеріңнің чооғын истіңер. Чойырхостар чіли, харах кӧзіне ле нимес, че Худайны сағынып, арығ чӱрекнең чӧрініңер.