42 Че олар ахча чох полғаннарынаңар, пай кізі алымнарын чох идібістір. Чоохта, ол ікӧлеңнің хайзы пай кізее артых хынар? –
Хан, ол кізее айап, алымны албасха чарадып, аны позыдыбысхан.
Анаң хан, тарыныбызып, аны, алымын тӧлеп салғанҷа, харибде тудып, хатығ холда тударға чахығ пирібіскен.
Піс алым тӧлебееннернің пыроларын хайди тастапчабыс, Пістің дее пыроларыбысты іди таста.
Сағынчам, хайзыни кӧп позыдылған, анзы артых хынар, – нандырған Симон. – Орта сағынчазың, – теен ағаа Иисус.
Худай прайзын Позының паарсазынаң тикке ахтапча, Иисус Христостың ӱчӱн оларны пос итче.
Піс кӱс-сағ чох полғаныбыста, Христос пістің ӱчӱн ӧл парған. Тузы читкенде, Ол Худайны улуғлабинчатхан кізілернің ӱчӱн ӧл парған.
Моисей Чахиина тӧстенчеткеннер, тізең, харғадарлар. Пазылых нооза: чахығлар киндезінде прай пазыл парған нимені сыбыра толдырбинчатхан кізі харғадар.
Худай паарсасха пай, аннаңар Ол, Христостың пастыра, Аның ханынаң пісті пос ит салған паза чазыхтарыбысты позытхан.
Хайди Худай, Иисус Христосха киртінгеннерің ӱчӱн, сірернің чазыхтарыңны позытхан, сірер дее ідӧк удур-тӧдір паарсазыңар, айазыңар паза пыроларыңны тастас турыңар.
Пірее кізінің піреезіне хоп полза, удур-тӧдір тыстанызыңар. Христос сірерге хайди пыро тастаан, сірер дее ідӧк идіңер.