Лука 6:42 - Наа Молҷағ

⁴² Хайди син, позыңның харааңдағы тӧгені кӧрбин, харындазыңа: «Харындас, харааңдағы сігенні сығарыбызим», – тіп полчазың? Чойырхоссың син! Пурун позыңның харааңдағы тӧгені ал тастабыс, андада харындазыңның хараандағы сігенні хайди сығарарын кӧрерзің.

Лука 6:42 ပူးပေါင်းရင်းမြစ်များ

Матфей 26:75

Андада Пётр Иисустың «Питук тапсаанҷа, син ӱс хати Миннең тӧдір пазынарзың» теенін сағысха кир килген. Анаң, оортах парып, ол ачығ ылғабысхан.

Матфей 7:3

Син ноға харындазыңның хараандағы сігенні кӧр саладырзың, позыңнинда, тізең, тӧгені дее сизінминчезің?

Матфей 7:4

Позыңның харааңдағы тӧгее хайығ даа салбин, хайди харындазыңа тіп полчазың: «Хайа, харааңдағы сігенні сығарыбызим?»

Лука 13:15

Хан-пиг ағаа нандырған: – Чойырхос! Субботада сірернің полғаны ла хазаадағы пуғазын алай эштегін, систіп, суғарарға сығарбинча ба?

Лука 22:32

Че Мин, киртінізіңнің кӱзі син парбазын тіп, синің ӱчӱн пазырғам. Син дее, соонаң Минзер хатап айланып, харындастарыңның киртінізін тыыдарға кирексің. –

Лука 6:41

Ноға син харындазыңның хараандағы сігенні дее кӧр саладырзың, позыңнинда, тізең, тӧгені дее сизіне чоғылзың?

Лука 6:43

Чахсы ағас хомай чистек пирбинче, хомай даа ағас чахсы чистек пирбинче.

Илҷілернің 13:10

У-у, чойырхоснаң чабал сағысха пастыр парған сайтан оолғы, прай сын нименің ыырҷызы! Хан Худайның кӧні чолларынаң хыйа тартарын тохтадарзың ма?

Илҷілернің 2:38

Пётр, тізең, оларға теен: – Полғаныңар ла, чазыхтарыңнаң хыйа полып, чазыхтарыңны позыттыртып алар ӱчӱн, Иисус Христостың адынаң кіреске тӱзіңер. Андада Худай Худын тикке аларзар.

Илҷілернің 8:21

Сағаа мында андағ оңдай паза ӱлӱс пирілбес, Худайның алнында синің чӱреең ам даа орта нимес.

Римдегілерге 2:1

Ол оңдайнаң син, пасхазын чарғылапчатхан ноо даа кізі, ахтан полбассың. Син пасхазын чарғылапчатхан чарғынаң позыңны чарғылапчазың. Пасха кізіні чарғылап, позың, тізең, ідӧк итчезің.

2 Коринфтегілерге 5:18

Прай ол нимені Худай иткен. Ол Иисус Христостың пастыра пісті Позынаң чарастыр салған паза піске пасхаларын чарастырарға пӧгін пирген.

2 Тимофейге 2:21

Пу кірдең позын арығлап полар кізі аарластығ ызых ідіс полар, ээзіне дее кирек, ноо даа чахсы нимее тузалығ.

2 Петрның 1:9

Че сірер піди хылынминчатсар, харахтаң кинек кізі осхас поларзар. Постарыңның алнында пір дее ниме кӧрбинчезер паза алындағы чазыхтарыңнаң арығланардаңар ундут салғазар.