Лука 6:29 - Наа Молҷағ

²⁹ Пір наағыңнаң сапхан кізее, ікінҷі дее наағыңны тут пир. Кибіңні пыласчатхан кізее, кӧгенееңні дее алчатса, тоғырланма.

Лука 6:29 ပူးပေါင်းရင်းမြစ်များ

Матфей 26:67

Анаң, сырайына тӱкӱріп, сохханнар Аны. Пасхалары, тізең, наахтап,

Лука 22:64

Анаң Аны, сӱбӱрекнең пӱргебізіп, сырайынаң сапхан саанаң «Ухаанҷы ползаң, чоохта, кем Сині сапты?» тіп сурғаннар.

Лука 6:30

Синнең пірее ниме сураан кізілернің полғанына ла пир тур, алған кізідең, тізең, нандыра сурба.

Иоанн 18:22

Ол іди теенде, хыринда турчатхан хадағҷыларның пірсі, Аны наағынаң сабызып, теен: – Хайди полып, улуғ абысха піди нандырчазың? –

Илҷілернің 23:2

Иң улуғ абыс Ананий Павелнең хости турчатханнарға аны ахсынаң сабарға чахаан. –

1 Коринфтегілерге 4:11

Сағамға даа теере астаң астап, суғдаң сухсап, чалаас чӧрчебіс, сохтырчабыс, орын таппинчабыс,

1 Коринфтегілерге 6:7

Пос аразында чарғыласчатханнарың даа улуғ уйат. Ӱреге кір парғаннарың сірерге артых полбасчых па? Пыластыр салғаны сірерге артых полбасчых па?

2 Коринфтегілерге 11:20

Сірерні пазынчатханнарға, сірерні тонапчатханнарға, сірерге ӱлгӱ салчатханнарға, сірерге улуғзырхапчатханнарға, наахтапчатханнарға тыстанчазар нооза.

Еврейлерге 10:34

Сірер мағаа, пиктегде полғанымда, полысхазар паза ис-пайыңар пыластырғаннарыңда, ӧрінгезер: сірернің тигірде аннаң артых, хаҷан даа тоозылбас пайыңар парын пілгезер нооза.