Лука 6:28 - Наа Молҷағ

²⁸ Сірерні харғапчатханнарны алғап турыңар, сірерні хыйыхтапчатханнарның ӱчӱн пазыр турыңар.

Лука 6:28 ပူးပေါင်းရင်းမြစ်များ

Матфей 5:44

Мин, тізең, тіпчем сірерге: ыырҷыларыңа хыныңар, сірерні харғапчатханнарны алғап турыңар, сірерні хырт кӧрчеткеннерге чахсы хылыныңар, сірерні хыйыхтапчатханнарның паза хыйа сӱрчеткеннернің ӱчӱн пазырыңар.

Лука 23:34

Иисус, тізең, чоохтанған: – Пабам! Пу кізілернің пыроларын таста, ниме итчеткеннерін пілбинчелер нооза. Анаң чааҷылар, ӱлӱске тас тастап, Иисустың кип-азаан ӱлескеннер.

Лука 6:27

Мин, тізең, сірерге, Мині исчеткеннерге, тіпчем: ыырҷыларыңа хыныңар, сірерні хырт кӧрчеткеннерге чахсы ит турыңар.

Лука 6:35

Че сірер, ыырҷыларыңа хынып ала, чахсы ит турыңар. Пір дее ниме нандыра сағыбин, ӧдіске пир турыңар. Андада сірерге илбек тӧлег полар. Ӧӧркі Чайаачының палалары поларзар. Ол чахсаа чахсынаң нандырбинчатханнарға даа, чабалларға даа паарсидыр нооза.

Илҷілернің 14:5

Анаң иудейлер, иудей ниместер, паза иудей пастыхтары, илҷілердең тоғыр чӧптезіп алып, оларны уйатха суғып, тастарнаң чаалирға идібіскеннер.

Илҷілернің 7:60

Стефан, тізең, тізекке тӱзіп, ӧтіг ӱннең хысхырыбысхан: – Хан-пигім! Нандырыға тартпа оларны пу чазых ӱчӱн! Іди тіп, ол тоозыл чӧрібіскен.

Римдегілерге 12:14

Сірерні сӱрчеткен кізілерні алғаңар. Харғабаңар, че алғапчадыңар.

1 Коринфтегілерге 4:12

хол кӱзінең тоғынып, істенчебіс. Пісті сӧклепчелер, піс алғапчабыс, пісті сӱрчелер, піс сыдасчабыс.

Иаковтың 3:10

Пір аастаң алғас паза харғас сыхча. Іди поларға чарабас, харындастарым.

1 Петрның 3:9

Чабалға чабалнаң, хырызынысха хырызыныснаң нандырбаңар, че алғас аларға хығыртылғаннарыңны піліп, кізілерні улам алғапчадыңар.