Лука 6:12 - Наа Молҷағ

¹² Олох кӱннерде Иисус пазырарға тағзар сыххан. Хараазын Худайға пазырып иртірген.

Лука 6:12 ပူးပေါင်းရင်းမြစ်များ

Матфей 5:1

Иисус, чонның кӧп чыыл парғанын кӧріп, тағзар сыххан. Анда Ол одыр салғанда, ӱгренҷілері Аныңзар пас килгеннер.

Матфей 6:6

Син, тізең, пазырчатсаң, тураңа кіріп, ізииң чаап салып, кӧрінминчеткен, че синнең хада полчатхан Пабаңа пазырып ал. Пабаң, тізең, пілдіртпес иде иткеніңні кӧріп, прайзының кӧзіне сағаа сыйых пирер.

Марк 1:35

Иисус, иртенӧк турып, ээн чирзер парып, анда ағылахти пазырған.

Марк 3:13

Анаң Ол, таға сығып, хынған кізілерін Позынаң хада хығырған. Олар Аныңзар килгеннер.

Марк 6:46

Чонны позыдыбызып, Иисус тағзар пазырарға парған.

Лука 5:16

Иисус, тізең, кізі чох чирлерзер парып, пазырҷаң.

Лука 6:11

Моисей Чахии пілігҷілері паза фарисейлер, чабаллары тың тут парып, Иисусты хайди идібісчең тіп, постары алынҷа чоохтасхлааннар.

Лука 6:17

Оларнаң хада тағдаң ин киліп, Иисус пір тӱс чирде турыбысхан. Кӧп ӱгренҷілері паза Иудей чирінең, Иерусалимнең, талай хазындағы Тир паза Сидон саарлардаң даа илееде кӧп кізі мында турыбысхан.

Лука 9:18

Пірсінде Иисус пір чирде чалғызан пазырчатхан, ӱгренҷілері, тізең, Аның хыринда полғаннар. – Кізілер Мині кемге санапчалар? – сурған олардаң Иисус. –

Лука 9:28

Пу сӧстер соонда сигісче кӱн ирт парғанда, Иисус, Пётрны, Иоанны паза Иаковты Позынаң хада алып, тағзар пазырарға сыххан.

Лука 9:29

Ол пазырчатхан туста Аның сырайы алыс парған, кип-азаа, тізең, чылтырама ах пол парыбысхан.

Иоанн 6:3

Иисус, тағзар сығып, анда ӱгренҷілерінең хада одыр салған.

Колоссадағыларға 4:2

Сыбыра пазырчадыңар, пазырчатса, сиргек полыңар паза алғыстаңар.

Еврейлерге 5:7

Иисус чир ӱстӱнде чӧргенде, пазырып ала, харах чазын тӧгіп, оорлап, Худайны алдаан. Аның Иисусты ӧлімнең ал халар оңдай полған нооза. Иисус, Худайны улуғлап, Аның чооғын искен, аннаңар Худай Аның алданызын ис салған.