Лука 5:24 - Наа Молҷағ

²⁴ Кізі Оолғының пу чирде чазыхтарны позыдар ӱлгӱзі парын амох сірерге кӧзідем. Анаң Ол ит-сӧӧгі пос-пас кізее теен: – Тіпчем сағаа: тур, тӧзек-частығың алып, ибіңзер пар.

Лука 5:24 ပူးပေါင်းရင်းမြစ်များ

Матфей 16:13

Филипптің Кесар тіп саарның чирлерінзер киліп, Иисус Позының ӱгренҷілерінең сурған: – Кізілер Мині, Кізі Оолғын, кемге санапчалар? –

Матфей 25:31

Хаҷан Кізі Оолғы Позының сабланызында паза Аннаң хада прай ах-арығ ангеллері чиде салзалар, андада Ол Позының сабланыстығ ӱлгӱ сіреезіне одырыбызар.

Матфей 26:64

Иисус ағаа піди нандырған: – Син анзын позың чоохтадың, че Мин сірерге прайзыңарға тіпчем: Мының соонда сірер Кізі Оолғын Чайаачының оң саринда одырчатханын паза тигірдегі пулуттарҷа килчеткенін кӧрерзер.

Матфей 28:18

Иисус, чағын пас киліп, теен: – Тигірнең чир ӱстӱнде прай ӱлгӱ Мағаа пирілді.

Матфей 4:24

Иисустаңар хабар прай Сирий чирінҷе тараан. Андар чадығдағыларны, аймах ағырығларға пастырчатханнарны, талчатханнарны, айна кіргеннерні, алҷаахханнарны, чӱллері пос кізілерні – прайзын ағыл килҷеңнер. Иисус прайзын чазылдырған.

Матфей 9:6

Кізі Оолғының пу чирде чазыхтарны позыдар ӱлгӱзі пар, сірер анзын амох кӧріп аларзар. Анаң Ол чӱллері пос кізее теен: – Тур, тӧзегіңні алып алып, ибіңзер пар.

Лука 5:13

Йа, хынчам, – тіп ала, холын, сунып, ол кізее теертібіскен Иисус. – Арығ пол пар! Сах андох ол кізінің чызығ палии чох пол парған.

Лука 5:18

Мына нинҷе-де кізі ит-сӧӧгі пос-пас кізіні тӧзек-частығынаң хадох ағыл килділер. Аны туразар киріп, Иисустың алнында сал саларға харасханнар.

Лука 5:23

Хайзын тирге оой: «Чазыхтарың позыдылчалар» алай ба «Турып, пас чӧр?»

Лука 7:14

анаң пас киліп, хомдаа холынаң теңен. Сӧӧкті апарчатхан кізілер турыбысханнар, Ол, тізең, теен: – Оол! Тіпчем сағаа – тур!

Лука 8:54

Иисус, прайзын турадаң сығарыбызып, хызыҷахты холынаң тудып алып, чоохтанған: – Тур, хызыҷах!

Иоанн 11:43

Аны чоохтап, Иисус ӧтіг табыснаң хығырған: – Лазарь! Сых пеер!

Иоанн 17:2

Син Ағаа прай кізілернең устирға ӱлгӱ пиргеннеңер, Ол даа Синің Ағаа пирген прай кізілеріңе мӧгі чуртас пирер.

Иоанн 3:13

Тигірде ниме парын кӧрерге пір дее кізі андар сыхпаан. Че тигірде чуртапчатхан Кізі Оолғы чир ӱстӱнзер тӱс килген.

Иоанн 5:27

Ол Кізі Оолғы полчатханнаңар, Пабазы Ағаа чарғы итчең ӱлгӱ пирген.

Илҷілернің 14:10

Иисус Христос Хан-пигібістің адынаң тіпчем сағаа: азахтарыңа кӧні турыбыс! – тыыда чоохтаныбысхан Павел. Ол кізі, сах андох тура хонып, пас чӧр сыххан.

Илҷілернің 5:31

Израиль чонына, пыросынып, чазыхтарын позыдарға оңдай пирер ӱчӱн, Худай Аны, Устағҷы паза Арачылағҷы идіп, Позының оң саринзар кӧдірген.

Илҷілернің 9:34

Пётр ағаа теен: – Эней! Сині Иисус Христос имнепче. Тур тӧзегіңнең. Ол кізі сах андох тур килген.

Илҷілернің 9:40

Пётр, прайзын сығарыбызып, тізекке тӱзіп, пазырған, анаң, сӧӧксер айланып, чоохтанған: – Тавифа, тур! Ол хыс харахтарын азыбысхан, анаң, Пётрны кӧр салып, одырыбысхан.

Азых чоох 1:13

Читі чарытхының ортызында, тізең, Кізі Оолғына тӧӧй, узун кӧгенек кис салған, кӧксіне теере чалбах алтын хурнаң хурчан салған кізі турча.