Лука 4:35 - Наа Молҷағ

³⁵ Че Иисус хутха хатығ чоохтанған: – Сым пол, сых аннаң! Андада чабал хут, ол кізіні синагога ортызында аңдара сазып, ағаа пір дее хомай ниме итпин, аннаң сых чӧрібіскен.

Лука 4:35 ပူးပေါင်းရင်းမြစ်များ

Матфей 17:18

Иисус ағырығ оолахтағы айнаа сых тіп хатығ чоохтанғанда, айна сых парыбысхан, оолғыҷах, тізең, сах андох хазыхтан парған.

Матфей 8:26

Ноға іди тың хорых пардар? Киртіністерің пу ла син ме? – нандырған Иисус. Анаң тур киліп, чилнең кӧлні тызып, амырирға чоохтаан. Сах андох ап-амыр пол парыбысхан.

Марк 1:26

Андада чабал хут, ол кізіні сілігіп ала, орлабинаң аннаң сых чӧрібіскен.

Марк 4:39

Ол, тур киліп, чилге тохтирға чахаан паза кӧлге: – Амыра, тохтап пар! – теен. Чил амырап парған. Ибіре ай-тымых турыбысхан.

Марк 9:26

Чабал хут, аахтабинаң, оолахты сілігіп ала, аннаң сых чӧрібіскен. Оолағас, ӧліг ле чіли чатхан. Кӧбізі «ол ӧл парды» тіскеннер.

Лука 11:22

Че хаҷан аннаңох кӱстіг кізі, киліп, чиңіп алза, андада, пайаағы кізінің ізенчеткен прай тириин алып, аның ис-пайын ӱлестірер.

Лука 4:23

Иисус оларға теен: – Сірер Мағаа «Имҷі! Позыңны имнеп ал!» тіп сӧспекті хайди даа чоохтирзар. Ідӧк сірер Мағаа тирзер: «Капернаумда иткен нимелеріңні искебіс, мында даа, позыңның тӧреен чиріңде, ит оларны».

Лука 4:39

Иисус, хыринзар пас киліп, туданға тохтап парарға хатығ чоохтанған, анзы ипчіні позыдыбысхан. Сах андох ипчі, тур киліп, оларның алны-соона хайын сыххан.

Лука 4:41

Кӧп кізідең чабал хуттар «Син Мессий-Христоссың, Худайның Оолғызың!» тіп хысхырызып ала, сыға хон турғаннар. Че Иисус оларны, Позының Мессий-Христос полчатханын пілчеткеннерін чоохтирға пирбин, тымылдырыбыс турған.

Лука 8:24

Олар, Иисуссар пас киліп, Аны усхурыбызып, тееннер: – Ӱгретчі! Ӱгретчі! Піс суға саайлан парарға чӧрбіс. Че Иисус, тур киліп, чилнең салғахтарға амырап парарға чахыбысхан. Олар тохтап парғаннар, ибіре ап-амыр пол парған.

Лука 9:39

Аны чабал хут кинетін хаап аладыр, оолғым хысхыра тӱсче, анаң ахсынаң кӧбік сыхханҷа иреелеп, чадап ла позытча.

Лука 9:42

Оолах чағыннап одырғандох, айна аны, чирге аңдара сазып, сапхлап сыххан, че Иисус ағаа хатығ чоохтанып, оолахты имнебіскен, анаң пабазына пирібіскен.

Азых чоох 12:12

Ӧрініңер зе тигірдегілер! Чирде паза талайда чуртапчатханнарға хыйал полар, сайтан оларзар тӱсті нооза! Позының тузының асхынах халғанын піліп, ол улуғ ӧкпеде!