Лука 4:23 - Наа Молҷағ

²³ Иисус оларға теен: – Сірер Мағаа «Имҷі! Позыңны имнеп ал!» тіп сӧспекті хайди даа чоохтирзар. Ідӧк сірер Мағаа тирзер: «Капернаумда иткен нимелеріңні искебіс, мында даа, позыңның тӧреен чиріңде, ит оларны».

Лука 4:23 ပူးပေါင်းရင်းမြစ်များ

Матфей 13:54

Позының чуртапчатхан саарынзар киліп, орындағы синагогада кізілерні ӱгреткен. Кізілер, таңнап, чоохтасханнар: – Хайдаң полҷаң Аның андағ хыйғазы паза хайхастар итчең кӱзі?

Матфей 4:13

Ол, Назареттең сығып, Завулон паза Неффалим чирлерінзер киліп, Галилей кӧлінің хазындағы Капернаум саарда чуртап сыххан.

Матфей 4:23

Иисус, синагогаларда ӱгредіп, Тигір хан-чирінеңер Чахсы Хабарны чоохтап, аймах-пасха ағырығлардаң ағырчатхан алай сағ чохтанчатхан кізілерні имнеп, прай Галилей чирінҷе чӧрген.

Марк 6:1

Аннаң сығып, Иисус Позының чиріне читкен. Аннаң хада ӱгренҷілері полғаннар.

Лука 2:39

Иосифнең Мария, прай нимені Хан Худайның Чахии хоостыра ит салып, саарларынзар – Галилей чиріндегі Назаретсер айлан килгеннер.

Лука 2:51

Иисус оларнаң хада, чолға сығып, Назаретсер айлан килген. Ол паба-іҷезінің чооғын исчең. Іҷезі, тізең, Иисустың прай сӧстерін чӱреенде хайраллаан.

Лука 4:16

Иисус ӧскен чирінзер, Назарет саарзар, айлан килген, субботада, мының алнындағох чіли, синагогазар парып, Худай Пічиин хығырарға турған.

Лука 4:31

Иисус, Галилей чиріндегі Капернаум саарзар киліп, субботада кізілерні ӱгреткен.

Лука 4:35

Че Иисус хутха хатығ чоохтанған: – Сым пол, сых аннаң! Андада чабал хут, ол кізіні синагога ортызында аңдара сазып, ағаа пір дее хомай ниме итпин, аннаң сых чӧрібіскен.

Лука 6:42

Хайди син, позыңның харааңдағы тӧгені кӧрбин, харындазыңа: «Харындас, харааңдағы сігенні сығарыбызим», – тіп полчазың? Чойырхоссың син! Пурун позыңның харааңдағы тӧгені ал тастабыс, андада харындазыңның хараандағы сігенні хайди сығарарын кӧрерзің.

Иоанн 4:28

Ипчі, тізең, суғ хапчаң ідізін халғыс салып, саарзар парып, кізілерге чоохтаан: –

2 Коринфтегілерге 5:16

Піске кізілерні, кӧрчеткен нимее тӧстеніп, чарғылирға чарабас. Хаҷан-да Христостаңар, кізідеңер ле чіли, сағынған полғабыс. Ам, тізең, пасха сағынарға кирекпіс.