Лука 3:3 - Наа Молҷағ

³ Иоанн, Иордан суғның ибіркізіндегі прай чирлерҷе чӧріп, кізілерні кіреске тӱзерге паза Худайзар айланарға хығырған. Андада оларның чазыхтары позыдылар тіп ӱгреткен.

Лука 3:3 ပူးပေါင်းရင်းမြစ်များ

Матфей 3:11

Мин сірерні, Худайзар айланып, чазыхтарыңнаң хыйа полғаннарыңны таныхтап, суғда кіреске тӱзірчем, че соомҷа Килчеткені миннең улуғ. Мин Аның ӧдігін дее апарарға турыстығ нимеспін. Ол сірерні Худай Худынаң паза отнаң кіреске тӱзірер.

Лука 1:16

Ол Израиль чонынаң кӧп кізіні Ӧӧркі Чайаачаа, оларның Худайына айландырар.

Лука 1:77

Чонның арачыланызы чазыхтарынаң позыдыларында полчатханын чонға искір пирер ӱчӱн.

Лука 4:1

Иисус, Худай Худынаң тол парып, Иордан суғдаң айлан килгенде, Худай Худы Аны хуу чазызар апарған.

Иоанн 1:28

Пу чоох Вифавара саарда полған. Пу саар Иоанн кіреске тӱзірчеткен Иордан суғның іскеркі саринда турған.

Иоанн 3:26

Олар, Иоаннзар киліп, ағаа чоохтааннар: – Ӱгретчі, синнең хада Иордан суғның хазында полған Кізіні – син Аннаңар киречілеен полғазың – сағызыңа кирчезің ме? Ол амды кізілерні кіреске тӱзірче, прайзы Андар парча. –

Илҷілернің 13:24

Иисус килер алнында Иоанн прай Израиль чонын, чазыхтарыңнаң хыйа полып, кіреске тӱзіңер тіп ӱгреткен.

Илҷілернің 19:4

Иоанн кізілерні чазыхтарынаң хыйа ползыннар тіп кіреске тӱзірген. Ол позының соонҷа килчеткеніне, Иисус Христосха, киртінерге хығырған, – теен Павел.

Илҷілернің 22:16

Че, нимее сӱмненчезің? Турып, кіреске тӱс паза Иисус Хан-пигібіссер айланып, чазыхтарыңнаң арығлан». –