Лука 23:7 - Наа Молҷағ

⁷ Пилат, Иисустың Ирод ханның чирінең полчатханын піл салып, Аны Иродсар ызыбысхан, анзы ол туста Иерусалимдӧк полған.

Лука 23:7 ပူးပေါင်းရင်းမြစ်များ

Матфей 14:1

Ол туста Галилей чирінің ханы Ирод Иисустаңар чоохтарны ис салған.

Матфей 14:3

Ирод Филипп харындазының ипчізінең – Иродиаданаң – хада чуртапчатханнаңар, Иоанн Иродха тіҷең: «Сағаа ол ипчіні аларға чарабас полған». Ирод, тізең, Иродиаданың ӱчӱн Иоанны, тудып алып, харибге чаап салған полған.

Матфей 14:6

Иродтың тӧреен кӱнін таныхтапчатханда, Иродиаданың хызы, аалҷыларның алнында плесет салып, Иродтың кӧңніне кір парған.

Марк 6:14

Ирод хан, Иисустаңар тылаасты истіп, – Иисустың ады прай чонға тарап парған полған – чоохтаан: – Ол Кіреске тӱзірҷең Иоанн, ӧлімінең тіріл парып, килген, аннаңар ам хайхастар ит чӧрче.

Лука 13:31

Ол туста Иисуссар нинҷе-де фарисей, киліп, Ағаа чоохтаан: – Мыннаң сығып, пірее пасха чирзер парыбыс. Ирод Сині ӧдір саларға итче.

Лука 23:6

Пилат, Галилей чирінеңер истіп салып, сурған: – Ол Галилей чирінең ме?

Лука 3:1

Рим хағаны Тиверий он пизінҷі чылы ӱлгӱде одырчатхан туста, Иудей чирінде Понтий Пилат пастых полған, Галилей чирінде Ирод хан полған, аның харындазы Филипп, тізең, Итурей паза Трахонит чирлерінде хан полған. Лисаний Авиленей чирінде хан полған.

Лука 9:7

Галилей чирінің ханы Ирод, Иисустың итчеткен хайхастарынаңар истіп, таңнаан: хай піреезі Иисусты тіріл килген Иоанн полар тіп чоохтасхан;

Илҷілернің 4:27

Сынап таа, Ирод паза Понтий Пилат, Израиль чонынаң паза иудей ниместернең хада ол саарда чыылызып, Иисустаң, Синің Мессийге таллап алған Ах-арығ Нымысчыңнаң тоғыр полғаннар.