Лука 22:2 - Наа Молҷағ

² Моисей Чахии пілігҷілерінең улуғ абыстар Иисусты чох идерге оңдай тілееннер, че чоннаң хорыхханнар.

Лука 22:2 ပူးပေါင်းရင်းမြစ်များ

Матфей 12:14

Фарисейлер, тізең, сых парыбызып, Иисусты чох идердеңер чӧптес сыхханнар. Че Иисус, аны піл салып, андартын парыбысхан.

Матфей 21:38

Виноград ӧскірҷеңнер, аның оолғын кӧр салып, постары алынҷа чоохтасханнар: «Пу пабазының пайын холға кирҷең чалғыс оолғы, парааңар, аны ӧдірібізееңер, халған анығ пісти полар».

Матфей 26:2

Ікі кӱн пазынаң Па́сха тіп ӱлӱкӱн поларын пілчезер. Андада Кізі Оолғын кіреске хазап саларға пирібізерлер.

Марк 14:1

Па́сха тіп ӱлӱкӱнге паза Ачытпаан халас пайрамына ікі хоных халған полған. Улуғ абыстар паза Моисей Чахии пілігҷілері, Иисусты харанға тудып алып, Аны ӧдірібізерге сағыныбысханнар.

Лука 20:19

Олох туста, Моисей Чахии пілігҷілері паза улуғ абыстар пу кип-чоохтың постарына чарыдылғанын сизініп, Иисусты хаап аларға иткеннер, че чоннаң хорыхханнар.

Иоанн 11:57

Иисусты тудып алар ӱчӱн, улуғ абыстарнаң фарисейлер, Аның хайда полчатханын піліп алған кізі постарына искірзін тіп, чахығ пирібіскеннер.

Илҷілернің 4:27

Сынап таа, Ирод паза Понтий Пилат, Израиль чонынаң паза иудей ниместернең хада ол саарда чыылызып, Иисустаң, Синің Мессийге таллап алған Ах-арығ Нымысчыңнаң тоғыр полғаннар.