Лука 21:28 - Наа Молҷағ

²⁸ Пу нимелер пол сыхсалар, чіке турып, пастарыңны чоғар кӧдіріңер, арачыланыстарың чағыннапча нооза.

Лука 21:28 ပူးပေါင်းရင်းမြစ်များ

Лука 13:11

Кізілернің аразында он сигіс чыл чабал хутха кинек иттір салған ипчі полған. Ол, пӱгӱрел парып, чіке тур полбаҷаң.

Лука 18:7

Худай чи, хараа-кӱнӧрте Позынаң полыс пирерге сурынчатхан таллап алған кізілерінің алнына турбас па? Полызарға маңзырабас па?

Лука 21:29

Анаң оларға пу кип-чоохты чоохтап пирген: – Кӧріңер пу смоковницаны, пасха даа ағастарны.

Римдегілерге 8:19

Прай чайалған ниме Худай палалары кем полчатханын азыларын чидікпин сағыпча нооза.

Римдегілерге 8:23

Олар ла нимес, піс тее, Хуттаң тун-сый алған кізілер, пос алынҷа чобал чӧрчебіс. Худайның палалары поларыбысты паза ит-ханыбыс чазыхтаң позирын сахтапчабыс.

Ефестегілерге 1:14

Худайның молҷағларының толдырыл парарларына Худайның Худы ізестіг танығ полча. Аннаңар піс Худайның Позының кізілерін чазыхтарынаң позыдарын ікінҷілебинчебіс. Худай, тізең, кізілерін позыдып, Позының сабланызын іле кӧзідер.

Ефестегілерге 4:30

Худай Худын хомзындырбаңар. Позып алар кӱннің ӱчӱн сірер ол Хутнаң таныхтал парғазар.