Лука 21:16 - Наа Молҷағ

¹⁶ Паба-іҷеңер дее, харындастарың даа, туғаннарыңнаң арғыстарың даа сірердең хыйа полыбызарлар. Сірернің піреелерін ӧдір тее саларлар.

Лука 21:16 ပူးပေါင်းရင်းမြစ်များ

Матфей 10:21

Харындас харындазын ӧлімге ызар, пабазы – оолғын, палалары, паба-іҷелерінең тоғыр кӧдіріліп, ӧдірерлер.

Марк 13:12

Харындазы харындазын, пабазы палаларын ӧлімге пирер. Палалары, паба-іҷедең тоғыр кӧдіріліп, ӧлімге пирерлер оларны.

Лука 12:53

пабазы оолғынаң тоғыр полар, оолғы, тізең, – пабазынаң. Іҷезі хызынаң тоғыр полар, хызы, тізең, – іҷезінең. Хазинезі килнінең тоғыр полар, килні, тізең, – хазинезінең.

Лука 21:15

Мин сірерге ыырҷыңарның пірдеезі нандыр полбас, тоғырлан таа полбас сӧстер паза кӱлӱк сағыс пирербін.

Лука 21:17

Минің адым ӱчӱн сірерні прайзы хырт кӧрер.

Илҷілернің 12:2

Ол Иоанның харындазын Иаковты хылыснаң ӧдірібіскен.

Илҷілернің 7:59

Анаң, «Иисус Хан-пигім! Минің тынымны алып ал» тіп чоохтанып ала, пазырчатхан Стефанны тастарнаң чаалааннар.

Азых чоох 12:11

Олар сайтанны Хурағанның ханынаң паза постарының киречіленіс сӧзінең чиңіп алғаннар. Олар постарының тыннарын даа айабааннар, ӧлімнең дее тиспееннер.

Азых чоох 2:13

Сірернің киректеріңні, сайтанның ӱлгӱ сіреезі полчатхан орында чуртапчатханнарыңны паза Минің алныма ізестіг турысханнарыңны пілчем. Анда, сайтанның чирінде, Минің сын киречім Антипаның ӧдірт салған кӱннерінде дее Мағаа киртінерінең хыйа полбааннарыңны даа пілчем.

Азых чоох 6:9

Хураған пизінҷі таңмазын суурыбысханда, тайығ салҷаң орынның алтында Худай сӧзін киречілееннері ӱчӱн ӧдірткен кізілернің хуттарын кӧр салғам.