Лука 20:17 - Наа Молҷағ

¹⁷ Иисус, тізең, оларзар кӧріп, теен: – «Пӱдірігҷілернің хыйа тастаан тазы соонаң иң кирек, тура пулиин тутчаң тас пол парған», – тіп пазылғаны нимені таныхтапча?

Лука 20:17 ပူးပေါင်းရင်းမြစ်များ

Матфей 21:42

Иисус оларға чоохтаан: – Сірер Худай Пічиинде ниме пазыл парғанын хаҷан даа хығырбаазар ба? «Пӱдірігҷілернің хыйа тастаан тазы соонаң иң кирек, тура пулиин тутчаң тас пол парған. Аны Хан Худай иткен; піске хайдағ хайхастығ ниме ол».

Марк 10:23

Иисус, ибіре харахсыныбызып, Позының ӱгренҷілеріне теен: – Пай кізілерге Худай хан-ӱлгӱзінзер кірері хайдағ сидіктір.

Марк 12:10

Нӧӧс сірер Худай Пічиинде «Пӱдірігҷілернің хыйа тастаан тазы соонаң, тура пулиин тутчаң иң кирек тас пол парған» теенін хығырбаазар?

Марк 3:5

Иисус, улуғ ӧкпеде оларзар кӧрібізіп, тас чӱректіг пол парғаннарына ачырғана, ағырығ кізее теен: – Холың алнынзар сун! Ол кізі холын сунғанда, ағырығ холы, пірсіӧк чіли, хазых пол парған.

Лука 19:41

Иисус, саарзар чағдап киліп, андар кӧріп ала, ылғап, чоохтанған: –

Лука 22:37

Тіпчем, нооза, сірерге «Сайбағҷыларнаң пір пол парды» тіп, Миннеңер пазылғаны тол парарға кирек. Миннеңер пазылған нимелернің прайзы тол парарға чӧр нооза. –

Лука 22:61

Андада Хан-пиг Пётрзар, айланып, кӧрібіскен. Пётр, тізең, Аның «Питук тапсаанҷа, син Миннең ӱс хати хыйа полыбызарзың» теен сӧстерін сағысха кир килген.

Лука 24:44

Анаң оларға теен: – Сірернең хада полғанда, чоохтаан сӧстерім мынзын таныхтапча: Моисей Чахиинда, ухаанҷыларның пічіктерінде паза Ырларда Миннеңер пазылған прай нимелер тол парарға киректер.

Иоанн 15:25

Оларның Чахиинда «Мині тиктең не хырт кӧрчелер» тіп пазылған сӧстерінің тол парары ӱчӱн, іди пол парарға кирек.

Илҷілернің 4:11

Иисус сірерге, пӱдірігҷілерге, нимее салдыртпин, хыйа тастатхан, че соонаң тура пулиин тударға иң кирек пол парған тас полча. Арачыланыс Аннаң пасха пірдеезінде чоғыл. –

Ефестегілерге 2:20

Илҷілернең ухаанҷыларның ӱгредии сірерге тӧстег полча. Ол тӧстегнің иң ӧӧн тазы – Иисус Христос.

1 Петрның 2:6

Худай Пічиинде піди пазыл парған нооза: Мына Мин Сион тағның пазында тура тӧзін тутчатхан тасты салчам. Ол таллаан аарлығ тас. Ағаа киртінчеткен кізі уйатха кірбес.