Лука 20:14 - Наа Молҷағ

¹⁴ Че виноградникті ӧскірчеткен кізілер, аны кӧр салып, пос аразында чоохтасханнар: «Пу пабазының пайын холға кирҷең чалғыс оолғы. Парып, ӧдірібізееңер аны, андада халған анығ піске халар».

Лука 20:14 ပူးပေါင်းရင်းမြစ်များ

Матфей 16:7

Анзын халас албааныбыстаңар тіпче полар, – чоохтасханнар ӱгренҷілері постары аразында.

Матфей 21:25

Иоанның кіреске тӱзіргені хайдаң килген: Худайдаң ма алай кізілердең ме? Андада олар, пос аразында ӱзӱріп, чоохтасханнар: – «Худайдаң» тізебіс, Ол сурар: «Андағда ноға сірер Иоаннға киртінмеезер?»

Матфей 21:34

Чистек теерер тус чит килгенде, ол, чалҷыларын виноград ӧскірчеткеннерзер ызып, виноградтаң позының ӱлӱзін ағыл килерге чахаан.

Лука 19:47

Анаң Ол храм чирінде кӱннің сай кізілерні ӱгреткен. Улуғ абыстар, Моисей Чахии пілігҷілері паза ах сағаллар Иисусты ӧдірер сылтағ тілееннер.

Лука 20:13

Андада виноградниктің ээзі чоохтанған: «Хайди итчең? Хынчатхан оолғымны ызим, аны кӧрзе, китенерлер».

Лука 20:15

Анаң аны, виноградниктең оортах иде апарып, ӧдір салғаннар. Ам виноградниктің ээзі ол кізілерні хайди идер ни?

Лука 20:19

Олох туста, Моисей Чахии пілігҷілері паза улуғ абыстар пу кип-чоохтың постарына чарыдылғанын сизініп, Иисусты хаап аларға иткеннер, че чоннаң хорыхханнар.

Лука 20:5

Олар, пос аразында ӱзӱріп, чоохтасханнар: – «Худайдаң» тізебіс, «Андағда ноға сірер Иоаннға киртінмеезер?» сурар Ол.

Лука 22:2

Моисей Чахии пілігҷілерінең улуғ абыстар Иисусты чох идерге оңдай тілееннер, че чоннаң хорыхханнар.

Илҷілернің 2:23

Худайның кӧңні паза азынада пӧгінгені хоостыра сірер Иисусты хаап алғазар, анаң Моисей Чахиинаң чараспинчатхан кізілер пастыра Аны, кіреске позығнаң хазап, ӧдір салғазар.

Илҷілернің 3:15

Чуртастың Пастығын, тізең, ӧдір салғазар. Худай Аны ӧліглер аразынаң тірілдірген, анзына піс киречілербіс.

Римдегілерге 8:17

Худайның палалары полчатханыбыста, Христоснаң тиңе Аннаң ӱлӱсті алҷаң кізілер полчабыс. Христостың ирееленістерін ӱлескенібісте, сабланызын даа ӱлезербіс.

Еврейлерге 1:2

Пу халғанҷы кӱннерде, тізең, Ол піске Оолғының пастыра чоохтаан. Худай Оолғын прай нименің ээзі полар тіп чарат салған паза Аның пастыра тилекейні чайап салған.