Лука 16:22 - Наа Молҷағ

²² Анаң ол чох кізі ӱреп парған, ангеллер, тізең, аны Авраамның хыринда одырт саларға апарыбысханнар. Пай даа ӱреп парған. Аны чыып салғаннар.

Лука 16:22 ပူးပေါင်းရင်းမြစ်များ

Матфей 18:10

Кӧріңер, пу кічіглернің пірдеезін хыйыхтабаңар. Тіпчем сірерге, оларның ангеллері хаҷан даа Тигірдегі Пабамның алнындалар. –

Матфей 24:31

Ол чирнің тӧрт пулиинзар Позының ангеллерін чоон табыстығ пырғылығ ызыбызар. Олар Аның таллап алған кізілерін тигірнің пір хыринаң пасха хырина теере чыып аларлар. –

Матфей 8:11

Тіпчем сірерге, кӧп кізі, іскертін паза кидертін киліп, Тигір хан-чирінде Авраамнаң, Исаакнаң паза Иаковнаң хада стол кистінде одыр салар.

Марк 8:36

Ноо туза кізее тиксі-тилекейні ээлензе, че тыны-чаанын ардат салза?

Лука 12:20

«Нимее чарабаан! Пуох хараазын тыныңны ал чӧрібізерлер, кемге халар чыған ис-пайың?» – теен ағаа Худай.

Лука 16:21

Лазарьның пайның столынаң чирге тӱскен оох-теек кизектерні чирі килген. Адайлар, киліп, аның палығларын чалғаҷаңнар.

Иоанн 1:18

Худайны пір дее кізі хаҷан даа кӧрбеен. Пабазының иң чағыны, чалғыс Оолғы ла, кӧріп, Аннаңар піске, прай чоллап, искір пирген.

Иоанн 13:23

Иисустың хынчатхан ӱгренҷізі Аннаң хости одырған.

Иоанн 21:20

Пётр, тізең, соонзар айланып, постарының соонҷа Иисустың хынҷаң ӱгренҷізі килчеткенін кӧр салған. Ол хаҷан-да, иирде азыранчадып, Иисусха чағын одырып, «Иисус пиг, Сині кем садыбызар?» тіп сурған полған.

Еврейлерге 1:14

Ангеллер Худайның нымысчылары ла. Олар арачылан халар кізілернің нымызына чӧрерге турғызыл парғаннар.

Еврейлерге 2:14

Пу палалар ит-ханнығ кізілер полчатханнаңар, Иисус таа оларох осхас: кізі ит-ханында килген. Ол анзын кізілерні ӧлімге ағылҷаң кӱзі пар сайтанны Позының ӧлімінең чиңіп алар ӱчӱн иткен.

Иаковтың 1:11

Кӱн сыхса, ізіг пол килче, кӱн ізиине от хурупча, чахайах салыхча, сілиин чідірче. Ідӧк пай кізі дее позының чолында салых парыбысча.

1 Петрның 2:24

Пістің чазыхтарыбысты Ол Позының иді-ханынаң ӧӧре кӧдірібіскен паза кіреске хазатырт салған. Ол анзын пістің чазыхха ӧл парарыбыстың, орта чуртасха, тізең, айлан парарыбыстың ӱчӱн иткен. Аның палығлары сірерні чазылдыр салғаннар.

Азых чоох 14:13

Анаң тигірдең чоохтанған ӱнні ис салғам: – «Амғы тустаң сығара, Хан Худайға киртініп, ӧлім алчатханнар часкалығлар» тіп, пас сал. – Йа, – тіпче Худай Худы, – олар постарының аар тоғыстарынаң тынанарлар, оларның киректеріне паалағ полар.