Лука 15:28 - Наа Молҷағ

²⁸ Улуғ оолғы, тарын парып, тураа кірерге хынмаан. Андада пабазы, сых киліп, алданып, аны тураа кірерге хығырған.

Лука 15:28 ပူးပေါင်းရင်းမြစ်များ

Матфей 20:11

Ахчаларын алып алып, олар тура ээзіне перінглеп сыхханнар.

Марк 1:40

Иисуссар чызығ палығлығ кізі киліп, алнына тізекке тӱзіп, алданып ала Аннаң сурынған: – Хынзаң, мині арығлап поларзың.

Лука 13:34

Иерусалим! Иерусалим! Ухаанҷыларны ӧдірчеткен паза позыңзар ысханнарны тастарнаң чаалапчатхан саар! Нинҷе хати Мин, палаларын ханат алтына чыыпчатхан хус чіли, палаларыңны чыып аларға хынғам, че син хынмаазың!

Лука 15:2

Фарисейлер паза Моисей Чахии пілігҷілері перінісклееннер: – Ол, чазыхтығларны позына чағын киріп, оларнаң хада азыранча.

Лука 15:27

«Харындазың килді, пабаң, аның тіріг-хазых айланғанына ӧрініп, симіс пызо сохтырыбысты».

Лука 15:29

Че улуғ оолғы пабазына нандырған: «Мин, мынҷа чыл синде тоғын салып, хаҷан даа сағаа харыспаам, че син мағаа, арғыстарымнаң хада кӱлеттеп аларға, ӧскіҷекті дее сох пирбеезің.

Лука 24:47

Амды Аның адынаң, Иерусалимнең пастади, прай чоннарны, пыросынып, чазыхтардаң позирға ӱгредерге кирек.

Лука 5:30

Моисей Чахии пілігҷілері паза фарисейлер, тізең, перінізіп, Иисустың ӱгренҷілеріне чоохтанғаннар: – Ноға сірер албан чығҷаңнарнаң паза чазыхтығ кізілернең хада, азыранып, ісчезер?

Лука 7:39

Анзын кӧріп, Иисусты хығырған фарисей позы алынҷа чоохтан салған: «Пу кізі, сыннаң ухаанҷы полған полза, азахтарына теепчеткен ипчінің кем полчатханын пілерҷік, ол чазыхтығ ипчі нооза».

Илҷілернің 13:45

Че иудейлер, чыыл парған чонны кӧр салып, атархап парғаннар, Павел чоохтаан нимелерге, тізең, тоғыр кірізіп, хазалып, анынаң таласханнар.

Илҷілернің 13:50

Че иудейлер Худай кибірліг паза чонға улуғлатчатхан иудей нимес ипчілерні, ідӧк саардағы устағҷыларны Павелнең Варнавадаң тоғыр кӧӧктіріп, оларға истіг чуртас пирбинібіскеннер, соонаң оларны постарының чирлерінең сығара сӱрібіскеннер.

Илҷілернің 14:19

Илҷілер анда кізілерні чалтанмин ӱгретчеткен туста, Антиох паза Икон саарлардаң килген хай пірее иудейлер чонны илҷілердең тоғыр чӧптеп сыхханнар: «Олар пір дее сын ниме чоохтабинчалар, прай чойланначалар». Иудейлер кізілерні ӧкпелендірібіскеннер, Павелні тастарнаң чаалап, анаң аны, ӧл парған полар тіп, саар тастынзар апар салғаннар.

Илҷілернің 14:2

Че киртінминчеткен иудейлер, олардаң тоғыр иудей ниместернің кӧңнілерін тибіредібізіп, хорылыс иткеннер.

Римдегілерге 10:19

Пазох сурчам: Израиль пілбеен ме? Чох, пілген. Алындох Худай сӧстерінең Моисей теен: пасха чонның пастыра чӱректеріңе кӱннес кирербін, оңарбас чонның пастыра сірерні хыпчыхтандырарбын.

2 Коринфтегілерге 5:20

Ол оңдайнаң піс Христостың адынаң чоохтапчабыс. Пістің пастыра Худай Позы чоохтанчатханға килісче. Аннаңар Христостың адынаң алданчабыс сірерге: Худайнаң чарас салыңар.

1 Фессалониктегілерге 2:16

Олар піске Худайның Чахсы Хабарын чоннарға, арачыланзыннар тіп, тарадарға пирбинчелер. Іди полып, олар постарының чазыхтарының санын хосчалар. Че мына Худайның чарғызы оларға чидібӧк одыр.