Лука 12:58 - Наа Молҷағ

⁵⁸ Ыырласхан кізінең хада пастыхсар парчатсаң, аннаң чолдох чарас саларға кӱстен. Іди полбаза, ол сині чарғаа пирібізер, чарғыҷы, тізең, сині хадағҷаа пирібізер, хадағҷы, тізең, харибге сух салар.

Лука 12:58 ပူးပေါင်းရင်းမြစ်များ

Матфей 18:30

Че анзы ынабаан, парып, арғызын, ӧдізін тӧлеенҷе, харибге чаап салған.

2 Коринфтегілерге 6:2

Чоохталған нооза: «паарсах поларға тус чит килгенде, Мин сині истіп салғам. Сині арачылир кӱн чит килгенде, Мин сағаа полыс пиргем». Мына Худайның паарсазын алҷаң тус, мына арачыланыс кӱні.

1 Петрның 3:19

Ол пиктегдегі хуттарзар Хуттаң пастыра тӱзіп, ӱгреткен.

2 Петрның 1:15

Хаҷан даа, мин ӧл парған соонда даа, ӱгредиимні сағыстарыңда ал чӧрерлерің ӱчӱн прай ниме идерге кӱстенербін.

Иуданың 1:3

Хынғаннарым! Пістің прайзыбыстың пар арачыланызыбыстаңар пазарға иткен полғам. Че киртінізібісті хайраллир ӱчӱн, кӱрезерге кӧңнілеріңні кӧдірібізерге кирек полчатханын кӧр салдым. Пу киртіністі Худай хаҷан-да ах-арығларына пирген нооза.

Азых чоох 20:7

Пір муң чыл ирт парза, сайтанны пиктегдең позыдыбызарлар. Ол пазох чирнің тӧрт сариндағы чоннарны, Гог паза Магог чоннарын алаахтырарға паза оларны чааға чыырға сығар. Ол талай хазындағы хумның саны синінҷе чоннарны чыып алар.