Лука 12:48 - Наа Молҷағ

⁴⁸ Че ээзінің чахиин пілбин, чарабас ниме ит салған нымысчы тың нимес сохтырар. Кемге кӧп пирілген, аннаң кӧбӧк сурағ полар; кемге кӧп киртіс-ізес полған, аннаң кӧбӧк сурарлар.

Лука 12:48 ပူးပေါင်းရင်းမြစ်များ

Матфей 13:12

Кемнің пар, ағаа хоза пирілер. Ани уламох кӧп полар. Кемнің чоғыл, аның пар даа нимезін алып аларлар.

Матфей 23:14

Хыйал сірерге, Моисей Чахии пілігҷілері паза фарисейлер! Чойырхостар! Сірер ӧкіс ипчілернің чурттарын тонапчазар, анаң, пасхалары кӧрзіннер тіп, чойланып, ӱр пазырчазар. Пу нименің ӱчӱн улам хатығ чарғы полар сірерге.

Лука 12:41

Андада Пётр Иисусха теен: – Хан-пигім! Син пу кип-чоохты піске ле алай прайзына чоохтапчазың ма?

Лука 12:49

Мин чир ӱстӱне ӧрт суғыбызарға килгем, сағамох ол кӧй сыхчаң полза тіп, чидікпин сағыпчам!

Лука 16:2

Пай, ол устағҷыны хығырып, теен: «Ниме исчем синнеңер? Устағҷы полып, иткен киректеріңнеңер нандырығ тут, мыннаң мындар ис-пайымнаң устирға сағаа киліспес».

Иоанн 15:22

Мин, оларзар киліп, чоохтаспаан ползам, олар, Мині постарына чағын итпееннері ӱчӱн, пыролығ полбасчыхтар. Че Мин, оларзар киліп, чоохтасхам, аннаңар амды олар постарының чазыхтары ӱчӱн ахтан полбастар.

Илҷілернің 17:30

Аннаңар Худай прай кізілерге, Аны пілбеен тустарға хайығ салбин, амды чазыхтарынаң хыйа полыбызарға чахыпча.

1 Тимофейге 1:11

Анзын мин сабланыстығ Худайыбыстың мағаа пирілген Чахсы Хабарына тӧстеніп чоохтапчам.

1 Тимофейге 1:13

Мин алында Худайны чабаллаам, Ағаа киртінчеткеннерні сӱргем, хыйыхтаам. Че мин аны, пілінмин, киртінізім чох полып, іди иткенімнеңер, Ол, мағаа айап, пыром тастаан.

1 Тимофейге 6:20

Че, Тимофей! Сағаа пирілгенні хайраллап хал. «Піліс» теен нименең айғасчатхан паза сағаа тоғырланчатхан кізілернең Худайдаң тоғыр тик таластардаң хыйа пол.

Титке 1:3

Че Позы таллаан туста сӧсті чарлааны хоостыра аны асхан. Аны чарлиры мағаа Худай Арачылағҷыбыстың чахии хоостыра пирілген.

Иаковтың 3:1

Харындастарым! Піс чарғаа артых тартыларын пілчеткенде, кӧбізіңер ӱгретчі поларға кӱстенмеңер.