Лука 12:32 - Наа Молҷағ

³² Хорыхпаңар, сірер кічіг хой ӧӧрі! Худай Пабаңар Худай хан-чирін сірерге пиреріне чӧпсінче.

Лука 12:32 ပူးပေါင်းရင်းမြစ်များ

Матфей 14:27

Че сах андох Иисус оларнаң чоохтас сыххан: – Махачы полыңар! Минмін. Хорыхпаңар, – теен Ол. –

Матфей 20:16

Пу оңдайнаң, соондағылары паста пол парарлар, пастағылары, тізең, соонда пол парарлар. Кӧп кізі хығыртылған, че асхынах – таллағны ирткен.

Матфей 25:34

Анаң хан Позынаң оң сариндағыларға чоохтанар: «Минің Пабам алғааннары, киліңер, чир чайалғаннаң сығара сірерге тимнелген хан-чирін алыңар.

Матфей 7:15

Чой ухаанҷылардаң китеніңер. Тастынаң кӧрзе, олар хойларға тӧӧйлер, че істінең олар пӱӱрлер осхастар!

Лука 10:21

Олох туста Иисусты Худай Худы ӧрініснең толдырған. Иисус теен: – Пабам! Тигірнең чирнің Ээзі! Мынзын, пілістіглердең паза хыйғалардаң чазырып, кічіг палаларға ас пиргенің ӱчӱн, Сині саблапчам. Йа, Пабам, мына мынзы Син хынғанни полды.

Иоанн 18:36

Минің хан-чирім пу чир ӱстӱнде нимес. Хан-чирім пу чир ӱстӱнде полған полза, нымысчыларым, Мині иудейлерге пирбес ӱчӱн, алныма турарҷыхтар. Че хан-чирім – чир ӱстӱнде нимес, – нандырған Иисус. –

Илҷілернің 20:28

Постарыңны паза Худай Худы хадарарға пирген ӧӧрні чахсы кӧріңер. Худайның паза Хан-пигібістің Позының тӧгілген ханы пастыра алған тигірибін хайраллаңар.

Илҷілернің 20:29

Минің соомда сірерзер ӧӧрні айабас чап пӱӱрлер килерлерін пілчем нооза.

Римдегілерге 6:23

Чазыхтың тӧлее ӧлім, нооза. Худайның сыйии, тізең, Хан-пигібіс Иисус Христоста мӧгі чуртас.

1 Коринфтегілерге 1:21

Тилекей позының хыйғазынаң Худайны Аның хыйғазында піліп албааннаңар, Худай киртістіглерні «нимее чарабаан» ӱгредігдең арачылап халарға иткен нооза.

Филипптегілерге 2:13

Худай сірерні Позының чахсы пӧгіннеріне килістіре хынарға паза идерге кӧстепче.

2 Фессалониктегілерге 1:11

Аннаңар піс сірердеңер сыбыра пазырчабыс. Піс сірерні кӧстеен чуртасха турыстығ поларға, сірерге ноо даа чахсы нимені паза киртістің киректерін идеріне Худайдаң кӱс пирерге сурынчабыс.

2 Фессалониктегілерге 1:5

Анзы Худайның сын чарғызы килерінеңер киречілепче. Ол чарғыда сірер Худай хан-чиріне турыстығ саналарзар. Ол Худай хан-чирі ӱчӱн сірер сағам ирее кӧрче нооңзар.

Еврейлерге 12:28

Піс изелбес хан-чирін алчабыс. Аннаңар алғыстап пілееңер. Алғыстап ала, Худайның кӧңніне килістіре Аның нымызына чӧрееңер. Пістің Худайыбыс прай нимені чох итчеткен чалын осхас. Аннаңар Аны улуғлааңар паза Аннаң хорығааңар.

Иаковтың 2:5

Истіңер зе, хынған харындастарым! Худай тилекейде чохтарны киртініске пай поларға паза Аның хан-чирін ээленерге таллаан нимес пе? Худай ол хан-чирін Позына хынчатханнарға молҷаан нооза.

2 Петрның 1:11

Андада сірерге Хан-пигібіс паза Арачылағҷыбыс Иисус Христостың тӱгенмес хан-чирінзер хаалха азыл парар.

Азых чоох 1:6

Ол пісті Худайының, Позының Пабазының, ханнары паза абыстары иткен. Ағаа сабланыс паза ӱлгӱ нинҷе-нинҷе чӱс чылға ползын! Аминь.

Азых чоох 22:5

Анда хараа паза полбас. Кізілерге чарытхы алай кӱн чарии пір дее кирек чох полар. Ӧӧркі Чайаачы – Худай оларны чарыдар нооза. Олар хаҷан даа ӱлгӱ тударлар.