Лука 12:1 - Наа Молҷағ

¹ Нинҷе-нинҷе муң чон чыылыс киліп, хыстынызып ала, удур-тӧдір ітклесчеткен туста, Иисус ӱгренҷілеріне пастап чоохтанған: – Фарисейлернің ачытхызынаң китеніңер, анзы – чойырхос полча.

Лука 12:1 ပူးပေါင်းရင်းမြစ်များ

Лука 11:44

Хыйал сірерге, Моисей Чахии пілігҷілері паза фарисейлер! Чойырхостар, сірер кӧрінминчеткен сӧӧк чатчатхан орыннарға тӧӧйзер. Кізілер, оларны сизінмин, ӱстӱлерінҷе пас чӧрчелер.

Лука 12:56

Чойырхостар! Сірер чирнің паза тигірнің алызарын піл полчазар. Амғы тустың хайдағ полчатханын хайди піл полбинчазар?

Лука 5:1

Пірсінде Иисус Галилей чиріндегі Геннисарет кӧлнің хазында турчатхан. Кізілер, тізең, Худай сӧзін истерге тіп, Аннаң ибіре хыстынысханнар.

Лука 5:15

Иисустаңар тылаас уламох тың тараан. Аны истіп аларға паза постарының ағырығларынаң имненіп аларға уғаа кӧп кізі кил турҷаң.

Лука 6:17

Оларнаң хада тағдаң ин киліп, Иисус пір тӱс чирде турыбысхан. Кӧп ӱгренҷілері паза Иудей чирінең, Иерусалимнең, талай хазындағы Тир паза Сидон саарлардаң даа илееде кӧп кізі мында турыбысхан.

Илҷілернің 21:20

Олар, аны истіп, Худайны сабландырғаннар, анаң Павелге тееннер: – Кӧрчезің, харындас, нинҷе муң иудей Худайға киртін сыххан. Олар прайзы Моисей Чахии ӱчӱн турысчалар.

1 Коринфтегілерге 15:3

Мин позым аны пастабох хайди алынғам, сірерні ағаа іди ӱгреткем нооза: Худай Пічии хоостыра Христос пістің чазыхтарыбыс ӱчӱн ӧл парған.

Еврейлерге 12:22

Сірер, тізең, Сион тағзар, Тіріг Худайның саарынзар чит килгезер. Сірер кӧп ангеллер полчатхан тигірдегі Иерусалимзер килгезер.

Иаковтың 3:17

Кізінің ӧӧртін килген хыйғазы – иң пурнада, арығ, анаң амыр, тың тапсабас, сӧс истеечі, паарсасха паза чахсы киректерге толдыра, кізілерні талластырбас паза чойырхабас ниме.

1 Петрның 2:1

Ол оңдайнаң хайдағ даа чабал нимені, хайдағ даа алаахтырысты, чой хылынысты, чой чоохты постарыңнаң хыйа идіңер.