Лука 11:48 - Наа Молҷағ

⁴⁸ Іди сірер пабаңарның иткен киректерінең чарасчатханнарыңны киречілепчезер. Олар ухаанҷыларны ӧдіргеннер, сірер, тізең, оларға хумартхы тастар турғысчазар.

Лука 11:48 ပူးပေါင်းရင်းမြစ်များ

Матфей 23:27

Хыйал сірерге, Моисей Чахии пілігҷілері паза фарисейлер! Чойырхостар! Сірер хазарт салған хомдылар осхассар. Тастынаң олар сіліг кӧрінчелер, істілеріне, тізең, ӧлген кізілернің сӧӧктері паза аннаң даа пасха чызығ нимелер тол парғаннар.

Матфей 23:31

Пу оңдайнаң сірер, ухаанҷыларны ӧдірген кізілернің тӧллері полчабыс тіп, постарыңнаң тоғыр киречілепчезер.

Лука 11:47

Хыйал сірерге! Ӧбекелерің ӧдір салған ухаанҷыларға сірер хумартхы тастар турғысчазар.

Лука 11:49

Ана аннаңар Худайның кӱлӱк сағызы піди теен: «Мин оларзар ухаанҷыларны паза илҷілерні ызарбын; олар, тізең, хай піреелерін ӧдіріп, пасхаларын сӱрерлер».

Римдегілерге 1:32

Іди тудынчатхан кізілер Худайның орта чарғызы чидерін пілчелер. Олар постарын ӧлімге турыстығларын пілзелер дее, постары даа ол оңдайларын тастабинчалар, андағ кізілерні дее махтапчалар.

Иаковтың 5:10

Харындастар! Чобағны тобыр парарында паза ӱр тыстанарында кӧзідімге Хан Худайның адынаң чоохтап чӧрген ухаанҷыларны алып алыңар.