Лука 11:41 - Наа Молҷағ

⁴¹ Постарыңда ниме пар, аны чох кізілерге пирібіс турзаңар, андада прай нимеңер арығ полар.

Лука 11:41 ပူးပေါင်းရင်းမြစ်များ

Матфей 26:11

Чох кізілер сірернің хыриңарда хаҷан даа поларлар. Че Мин сірернең хада сыбыра полбаспын.

Матфей 5:42

Сурынчатхан кізее пир тур, ӧдіске аларға сағынған кізідең хыйа полба. –

Марк 7:19

Ол, аның чӱреене нимес, хурсағына кіріп, сығара тасталча. Анынаң Ол ноо даа тамах арығ полчатханын чарлаан.

Лука 12:33

Сірер, ис-пайыңарны садып, чох кізілерге полызыңар. Постарыңа уурабас хапчығас тимнеп, хорабас ис-пайны тигірде чығыңар. Андар оғыр даа чит полбас, кӧӧ дее аны ардат полбас нооза.

Лука 16:9

Тіпчем сірерге, арғыстарны мындағы ис-пайнаң таап турыңар. Соонаң, хаҷан сірернің ахчаңар чох пол парза, сірерні мӧгі тураларзар кирерлер.

Лука 18:22

Сағаа ам даа пір ниме читпинче: нинҷе пар ниме-нооңны садыбызып, ахчаңны чох кізілерге ӱлебіс, андада син тигірде ис-пайлығ поларзың. Анаң, киліп, Минің соомҷа пар, – теен ағаа Иисус, аны истіп.

Лука 19:8

Закхей, тізең, тура тӱзіп, Хан-пиге чоохтанған: – Хан-пигім! Мин чох кізілерге пайымның чарымын пир саларбын. Пірее дее кізіні хыйыхтаан ползам, ағаа тӧрт анҷа нандырарбын.

Илҷілернің 10:15

Андада ӱн хатап истілген: – Худай арығлаан нимені син кірліге санаба.

Илҷілернің 11:29

Андада ӱгренҷілернің полғаны ла, позының пар-чоғына кӧре, киртінісче Иудей чиріндегі харындастарға полызығ ызарға чаратхан.

Илҷілернің 24:17

Кӧп чыллар ирткен соонда мин позымның хызылчатхан чоныма полызыға чыған ахчаны паза тайығ ағыл килгем.

2 Коринфтегілерге 8:12

Сірер полызарға кӱстенчетсер, пасхазы чоғыл нинҷе пир поларзар. Худай сірердең пир полбасты кирексібинче, нинҷе пир полза, анҷазын пирзіннер тіп хынча.

Ефестегілерге 4:28

Алында оғыр иткен кізі, паза оғырлабин, хызылчатхан кізілерге пирҷең ниме пар ползын тіп, позының холларынаң тоғынзын.

Титке 1:15

«Арығларға прай ниме арығ, кірліглерге паза киртініс чохтарға пір дее арығ ниме чоғыл». Че оларның постарының сағыстары кірліг, чахсы-чабалны оңарары даа сайбалча.

Еврейлерге 13:16

Кізілерге чахсы идерге ундубаңар. Удур-тӧдір полызызыңар. Іди иткені Худайның кӧңніне кірчеткен тайығ полча нооза.

Еврейлерге 6:10

Худай саба идер чоғыл. Ол сірернің хайди тоғынғаннарыңны паза Позына хайди хынғаннарыңны ундутпас. Сірер Худайға хынчатханнаңар, пасха ах-арығ кізілерге полысхазар паза полысчазар нооза.

Иаковтың 1:27

Худай Пабабысха арығ, пырозы чох пазырғаны – ол ӧкістердеңер паза чалғыс чарым халған ипчілердеңер сағыссырааны паза посты пу чуртастың хынығыстарынаң хайраллааны.