Лука 10:20 - Наа Молҷағ

²⁰ Че айналар чахииңарны толдырча тіп, ӧрінмеңер, аттарың тигірде пазыл парғанына ӧрініңер.

Лука 10:20 ပူးပေါင်းရင်းမြစ်များ

Матфей 10:1

Иисус, Позының он ікі ӱгренҷізін хығыртыбызып, оларға чабал хуттарны сығара сӱрҷең паза кізілерні хайдағ даа ағырығдаң паза хайдағ даа сағ чохтаныстаң имнебісчең ӱлгӱ пирген.

Матфей 26:24

Итсе-де, Кізі Оолғы Аннаңар Худай Пічиинде пазылған хоостыра ӧл парар, че хыйал Кізі Оолғын сатчатхан кізее! Ол кізее тӧрібеске артых поларҷых.

Матфей 27:5

Иуда, ол ахчаларны храмда тастабызып, тасхар сых чӧрібіскен, аннаң парып, пооныбысхан.

Филипптегілерге 4:3

Синнең дее, сын хабасчымнаң, сурынчам, полыс пир оларға. Олар миннең, Климентнең паза аттары чуртас киндезіне киріл парған пасха даа тоғынҷыларнаң хада Чахсы Хабарны тарадарында араласханнар.

Еврейлерге 12:23

Худайның тун палаларының тигірибінзер килгезер. Оларның аттары тигірде пазыл парғаннар. Сірер прай кізілернің Чарғыҷызы полчатхан Худайзар паза толдыра чахсы, арығ чӱректіг кізілерінзер килгезер.

Азых чоох 13:8

Чир ӱстӱндегі чуртас пічиине аттары пазылбаан прай кізілер ол аңа пазырарлар. Ол чуртас пічии чир ӱстӱ чайалар алнындох пазыл парған паза тайыға салылған Хурағанни полған.

Азых чоох 17:8

Син кӧрген аң тіріг полған, амды, тізең, ол чоғыл. Тӱрче полза, ол, тӱбі чох чирдең сых киліп, ӧлімге парар. Чир ӱстӱ чайалғандох, пазыл парған чуртас пічиине ады-солалары кірбеен кізілер, аңны кӧр салып, хайхап парарлар. Ол аң тіріг полған, анаң чох пол парған, анаң хатабох сых килер.

Азых чоох 20:12

Мин ӱлгӱ сіреезінің алнында турчатхан ӧл парған саблығ паза олаңай кізілерні кӧр салғам. Пічіктер азылғаннар. Анаң пасха пічік, чуртас пічии, азылған. Ӧліглер пічіктерде пазыл парған хоостыра постарының иткен киректері ӱчӱн чарғылатханнар.

Азых чоох 20:15

Кемнің ады-солазы чуртас пічиинде пазылбаан полған, ол кӧйчеткен кӧлзер тастатхан.

Азых чоох 21:27

Пеер пір дее кірліг ниме паза пір дее уйадыстығ ниме итчеткен чой кізі кірбес. Пеер Хурағандағы чуртас пічиинде пазыл парған на кізілер кірерлер.

Азых чоох 3:5

Чиңісчі ах кип-азахтығ полар, Мин аның адын чуртас пічиинең хаҷан даа сии тартпаспын. Пабамның паза ангеллернің алнында аннаңар киречілирбін.