Лука 1:76 - Наа Молҷағ

⁷⁶ Че син, палам, Ӧӧркі Чайаачының ухаанҷызы тіп адаларзың. Хан Худайның алнынҷа парарзың: Ағаа чолны тимнеп пирер ӱчӱн;

Лука 1:76 ပူးပေါင်းရင်းမြစ်များ

Матфей 14:5

Ирод аны ӧдірібізерге иткен, че Иоанны ухаанҷаа санаҷаңнар, аннаңар ол чоннаң хорыххан.

Матфей 21:26

Че «Кізілердең» тізебіс, чоннаң хорғыстығ. Олар Иоанны ухаанҷы тіп улуғлапчалар нооза.

Матфей 3:11

Мин сірерні, Худайзар айланып, чазыхтарыңнаң хыйа полғаннарыңны таныхтап, суғда кіреске тӱзірчем, че соомҷа Килчеткені миннең улуғ. Мин Аның ӧдігін дее апарарға турыстығ нимеспін. Ол сірерні Худай Худынаң паза отнаң кіреске тӱзірер.

Матфей 3:3

Мына ол – Исаий ухаанҷы чоохтаан кізі. Аннаңар Исаий піди теен: – Хуу чазыда ӱн истілче: «Хан Худайға чол тимнеп пиріңер, кӧні идіңер Аның чолларын».

Марк 11:32

«Кізілердең» тирге, тізең, чоннаң хорыхханнар. Прай чон аны ухаанҷаа санаан.

Лука 1:32

Ол илбек полар, Ӧӧркі Чайаачының Оолғы тіп адалар. Хан Худай Ағаа Давид ӧбекезінің хан-ӱлгӱзін пирер.

Лука 1:35

Ангел ағаа нандырған: – Худай Худы, синзер киліп, Ӧӧркі Чайаачының кӱзінең сині кӧлебізер, аннаңар тӧреен Паланы ах-арығ паза Худай Оолғы тіп адирлар.

Лука 6:35

Че сірер, ыырҷыларыңа хынып ала, чахсы ит турыңар. Пір дее ниме нандыра сағыбин, ӧдіске пир турыңар. Андада сірерге илбек тӧлег полар. Ӧӧркі Чайаачының палалары поларзар. Ол чахсаа чахсынаң нандырбинчатханнарға даа, чабалларға даа паарсидыр нооза.

Иоанн 1:23

Иоанн Исаий ухаанҷының пічиинде пазылған сӧстернең нандырған: – Мин хуу чазыда «Хан Худайға кӧні чол ит пиріңер!» тіп хысхырчатхан кізінің ӱні осхаспын.

Иоанн 1:27

Ол минің соомҷа килерге кирек, Ол, мин тӧреелеккеӧк, пар полғаннаңар, Аның маймааның паан даа систерге турыстығ нимеспін.

Иоанн 3:28

Сірер постарың «Мин Мессий-Христос нимеспін, че Худай мині Аннаң пурун ысхан» тіп чоохтааныма киречізер.

Илҷілернің 16:17

Павелнің паза пістің сообысча киліп, ол хыс хысхырған: – Пу кізілер Ӧӧркі Худай нымысчылары. Олар піске арачыланыс чолынаңар искірчелер.