Лука 1:20 - Наа Молҷағ

²⁰ Мин чоохтаан сӧстер, тузы читсе, толарлар. Че син, сӧстеріме киртінмеенің ӱчӱн, искірген хабарым толғанҷа, чоохтан полбин, сым на поларзың.

Лука 1:20 ပူးပေါင်းရင်းမြစ်များ

Марк 16:14

Паза полбаанда, Ол иирдегізін азыранчатхан он пір ӱгренҷізінзер килген. Олар Аның тірілгенін кӧргенге киртінмееннері ӱчӱн, хатығ чӱректіглерінеңер паза киртіс чохтарынаңар оларны хызааннаан.

Марк 9:19

Ағаа нандырып, Иисус теен: – Йо-о, пу киртізі чох тӧлні! Нинҷезін Мин сірернең хада поларбын? Хаҷанға теере сірернең сыдазим? Ағылыңар аны Минзер.

Лука 1:19

Ангел ағаа нандырған: – Мин Худайның алнында турчатхан Гавриилбін, Ол мині синзер чоохтазарға паза пу чахсы хабарны искірерге ысхан.

Лука 1:21

Ол туста чон, Захарийні сахтап, аның храмда ӱр тудылчатханына таңнаан.

Лука 1:22

Захарий, сых киліп, кізілернең чоохтас полбаан; олар, тізең, Захарийнің храмда ангелні кӧргенін сизін салғаннар. Ол, чоохтан полбин, оларнаң танығларнаң тіл алысхан.

Лука 1:45

Хан Худайның чоохтаан сӧзінің тол парарына киртінчезің, аннаңар син часкалығзың.

Лука 1:64

Сах андох Захарий, пазох чоохтазар пол парып, Худайны алғап сыххан.

Римдегілерге 3:3

Оларның кӧбізі Худайға киртістіг полбаан. Оларның киртістіг полбааннары Худайның киртістіг полчатханын чох итче бе?

2 Тимофейге 2:13

Піс Ағаа киртістіг полбазабыс таа, Ол киртістіг халар – Позынаң тӧдір пазын полбинча нооза.

Титке 1:2

Минің ӱгредиим мӧгі чуртасха ізеніс пирче. Пу чуртасты чойны пілбес Худай тустар пасталғалаххаох молҷаан.

Еврейлерге 6:18

Худайның киречілезі паза молҷаа алызар чоғыллар. Оларны пиріп, Худай чойлан полбас. Аннаңар піс, пу ізеніске килген чон, аның толарына кӧмес тее ікінҷілебинчебіс.

Азых чоох 3:19

Кемге Мин хынчам, аны, пырозын ілезіне сығарып, хатығлапчам. Аннаңар, кӱстеніп, пыросыныңар.