Колоссадағыларға 4:5 - Наа Молҷағ

⁵ Тоғырхыларнаң хыйға тудыныңар, пар тусты тузалығ иртіріңер.

Колоссадағыларға 4:5 ပူးပေါင်းရင်းမြစ်များ

Матфей 10:16

Мин сірерні, хойларны чіли, пӱӱрлер аразынзар ысчам. Чылан осхас хыйға полыңар, иб тахырахтары осхас пырозы чох полыңар.

Марк 4:11

Ол андада теен оларға: – Сірерге Худай хан-чирінің чазыттарын пілері пирілген. Тігі тоғырхыларға, тізең, прай нимені кип-чоохнаң на читірчем:

Римдегілерге 16:19

Сірернің чоох исчеткеннеріңні прайзы пілче. Мин сірернің ӱчӱн ӧрінчем. Сірерні, чахсы кирекке хыйға, чабал ниме итпес ах-арығ ползыннар тіп сағынчам.

Колоссадағыларға 3:16

Христостың сӧзі толдыразынаң сірерде чӧрзін. Удур-тӧдір пар-чох хыйғаңарнаң ӱгредізіңер паза сағыс алындырызыңар. Худайны саблапчатхан ырлар паза сарыннар ырлап, чӱрееңерде Хан-пигні алғыстап, Ағаа сарнаңар.

1 Тимофейге 3:7

Киртіністі алынмааннарның даа аразында чахсы адал чӧрзін – тілге кір парып, сайтан сӧзірбезіне хаптыр салбазын.

Иаковтың 1:5

Сірернің пірееңернің Худайдаң пирілген хыйғазы читпинчетсе, Аннаң сурынзын, ағаа пирілер. Худай прайзына, харанмин, уйаттырбин, пиредір нооза.

Иаковтың 3:13

Сірер хыйға ползаңар паза Худай ниме киректепчеткенін пілчетсеңер, чахсы киректер ле идіп чуртаңар. Чахсы киректеріңе махтанминчатсар, андада сірер сыннаң даа хыйғазар.

Иаковтың 3:17

Кізінің ӧӧртін килген хыйғазы – иң пурнада, арығ, анаң амыр, тың тапсабас, сӧс истеечі, паарсасха паза чахсы киректерге толдыра, кізілерні талластырбас паза чойырхабас ниме.

1 Петрның 3:1

Сірер, ипчілер, ідӧк ирлеріңнің сӧзінең сыхпаңар. Андада Худай сӧзін испинчеткен хай пірее ирлер, ипчілерінің чуртастары пастыра ла, артых чоохтаспин, Худайға хозыл парарлар. Сірернің арығ сағыстығ, Худайдаң хорығып чуртапчатханнарыңны кӧрзелер, оларға пір дее ниме чоохтирға кирек чох полар.