5 Аның ӱчӱн постарыңның пу чирдегі ит-ханыңарны ӧлдірібізіңер: чӧреес хылыхтарны, арығ нимес киректерні, хыҷыхты, чабал хынығыстарны, чабдыланысты. Чабдыланыс ол чой худайларға пазырынғаны полча.
Чабал сағыстар, ӧдірері, оралызары, чӧреес хылыхтары, оғырлиры, чой киречілирі, сӧклирі чӱректең сыхчалар нооза.
Аннаңар Худай оларны чиркестіг хынығыстарға пир салған: ипчілері чир-салылғанни ирлерінең хонмин, сан-тискер хыныс сыхханнар.
Олар сын нимес нимее, оралысха, кӧйтіктеніске, чаптанысха, чабалланысха, істі чохтанысха, ӧдіріске, тартысха, чойланысха, чабал хылыхха, пат парғаннар.
Идіңернің чардыхтарын пірдеезін чазыхтың ӱлгӱзіне пирбеңер, чабалның тириине айландырбаңар. Ӧліглердең тіріл парған постарыңны, сынның тирии идіп, Худайның ӱлгӱзіне пир салыңар.
Алындағы позыбыс Иисуснаң хада кіреске хазат салғанын піс пілчебіс. Анзы пістің чазыхтығ ит-ханыбыс піске ӱлгӱ салбазын тіп, піс чазыхтың хуллары полбас ӱчӱн, іди иділген.
Че ит-ханымның чардыхтарында пасха чахығ кӧрчем. Ол, минің сағызымның чахиина тоғырланып, ит-ханымдағы чазыхтың чахиинаң тузахтап салча.
Піс ит-ханның оңдайынҷа чуртааныбыста, чахығ чазыхтығ хыҷыхтарыбысты ілее сығарған. Ол хыҷыхтарыбыс идібіснең устап, пісті ӧлімнең парыстандырҷаңнар.
Сірер ит-ханның оңдайынҷа полчатсар, ӧл парарзар. Ит-ханның хынығыстарын Худай Худынаң пазынып алзар, чуртирзар.
Сірернің араңарда чӧреес хылых кірібіскеннеңер сын чоох пар. Ағаа хоза, Худайы чохтар аразында даа полбинчатхан нимені итче одырзар: кем-де ипчізі орнына пабазының ипчізінең полча одыр.
Сірернің аразында андағлар полғаннар. Че арығланып алғаннар, ах-арығ пол парғаннар, Хан-пигібіс Иисус Христос паза Худайыбыс Худының пастыра ахтанып алғаннар.
Чиис – хурсахха, хурсах таа – чииске. Че Худай анзын даа, мынзын даа чох ит салар. Кізі иді-ханы чӧреес хылыхха салылбаан, че Хан-пиге. Хан-пиг, тізең, кізі иді-ханынаңар сағыссырир.
Чӧреес хылыхтығ кізідең тис чӧріңер: кізі итчеткен ноо даа чазых иді-ханына теңминче. Чӧреес хылыхтығ полғаны, тізең, кізінің позының иді-ханынаң тоғыр чазых иткені полча.
Мин хатап килзем, Худайым, сірернің хайди полчатханнарыңны кӧзідіп, мині уйатха сухчаң полбазын. Алында чазых иткен паза арығ нимес хылынған, чӧреес, уйат пілбин тудынғаннарына Худайның алнында пыросынминчатхан кізілердеңер ылғирға киліс парҷаң полбазын.
Че Христостың кізілері пос постарын, хынығыстарын паза хыҷыхтарын, кіреске хазап салғаннар.
Олар, нимені нимее салбас пол парып, аймах-пасха чабал нимелер идіп тее, хыҷыхтарын хандыр полбин, оралызып чуртапчалар.
Сірерге сӱннетті кізі холынаң иттірбееннер. Христос сірерге позының сӱннедін итіріп, кізі постарыңнаң пос ит салған.
Худай кӧңні андағ: ах-арығ чуртас чуртирға, чӧреес хылыхха пастырбасха.
Худай пілбинчеткен чоннар чіли, сайбах сағыстарға салынмаңар.
Тооза чабал нименің ӧзені ахчаа сабылғаны полча. Ағаа салынғаннарның хайзылары киртіністең хыйа парыбысханнар паза постарын кӧп чобағларға кир салғаннар
Араңарда чӧреечі алай Худайны улуғлабинчатхан кізі пол парбазын. Исав осхас кізілер пір азырал ӱчӱн улуғ оолның ӱлӱзін орнастырыбызарға тимделер.
Ирепчі палғалызын аарлаңар. Ирлері дее, ипчілері дее киртістіг поларға киректер. Оралысха паза чӧрееске сабылғаннарны Худай позы чарғылапча.
Ахчаа сабылбаңар, пар нимее чӧпсініңер. Худай Позы теен, хайза: «Сині халғыспаспын, сині тастабаспын».
Сірернің араңарда ыырлас паза тоғырланыс хайдаң сыхча? Мыннаң нимес пе: иді-ханыңарда чааласчатхан хынығыстардаң нимес пе?
Хынғаннарым, сірер пу чирде килген чон осхассар. Мин сірердең сурынчам, кізі чӱреен ардатчатхан ит-ханның хыҷыхтаныстарынаң хыйа полыңар.
Че хортыхтарға, киртініс чохтарға, чабал хылыхтығларға, кізі ӧдірчеткеннерге, оралысхахтарға, сыбырағҷыларға, сын нимес худайларға пазырчатханнарға паза прай чойларға кӧйчеткен сералығ кӧлде орын полар. Мынзы – ікінҷі ӧлім.
Саар тастында адайлар, сыбырағҷылар, оралысхахтар, ӧдірігҷілер, тайма худайларға пазырчатханнар, чой ниме идерге хынчатхан паза итчеткен полған на кізі халарлар. –