Колоссадағыларға 3:14 - Наа Молҷағ

¹⁴ Че прай нименің тастына хыныс кибін кизібізіңер – ол чахсының иң артығын піріктірче.

Колоссадағыларға 3:14 ပူးပေါင်းရင်းမြစ်များ

Иоанн 13:34

Сірерге наа чахығ пирчем: удур-тӧдір хынызыңар. Мин сірерге хынған чіли, сірер дее ідӧк удур-тӧдір хынызыңар.

Иоанн 15:12

Мына Минің чахиим: Мин сірерге хынған чіли, удур-тӧдір хынызыңар.

Иоанн 17:23

Олар прайзы пір ле кізі осхас чарылбас ползыннар тіп, Мин оларда полим, Син, тізең, Минде пол. Андада оларға, Мағаа чіли, хынчатханыңны паза Мині ысханыңны чир-чалбах пілер.

Римдегілерге 13:8

Удур-тӧдір хынысханнаң пасха паза пірдеезіне пір дее пасха алым чох ползын. Пасха кізее хынчатхан кізі чахығны толдыр салған нооза.

Ефестегілерге 1:4

Тилекейні чайап салар алнындох, Ол пісті, Христостағыларны, хыныста чуртап, Позының алнында ах-арығ, пырозы чох ползыннар тіп таллап алған.

Ефестегілерге 4:3

Худай Худы сірерні піріктір салған, аннаңар ыырласпин чуртаңар.

Ефестегілерге 5:2

Хайди Христос, піске хынып, Позының тынын тайыға салып, Худайның кӧңніне кірчеткен тадылығ чыс пол парған, сірер дее ідӧк хыныста чуртаңар.

Колоссадағыларға 2:2

Мин, оларның кӧңнілері кӧдірілзін, удур-тӧдір хынызып, пірге тудынзыннар тіп сағынчам нооза. Іди олар, сағыс пайына чидіп, Худай Пабаның Христос полчатхан чазыдын піліп аларлар.

1 Фессалониктегілерге 4:9

Харындастар чіли хынызардаңар сірерге пазары даа кирек чоғыл, сірерні постарыңны даа Худай удур-тӧдір хынарға ӱгрет салған.

1 Тимофейге 1:5

Минің чахығларымның пӧгіні, тізең, – Худайға киртінчеткеннерні арығ чӱректең, чахсы кӧңнінең паза чойырхабас киртіністең тӧріпчеткен хыныснаң толдырарға.

Еврейлерге 6:1

Христостаңар ӱгредігнің пастағларын ӱзӱрбин, пик киртіністіг кізілерге килістіре чоохха кірееңер. Аннаңар, киртіністің тӧстеен хатап салбин, Худайға кирек чох киректерні тастирдаңар паза киртінеріне айланардаңар ӱгретпееңер.

1 Петрның 4:8

Иң пастағызында удур-тӧдір матап хынызыңар. Хыныс кӧп чазыхты чаап парыбысча нооза.

2 Петрның 1:7

Худайны улуғлирына киртіністіг кізілерге хынарын хозыңар. Киртіністіг кізілерге хынарына прай кізілерге хынарын хозыңар.

1 Иоанның 3:10

Худайның палаларын паза сайтанның палаларын хайди пасхалидырлар? Орта итпинчеткен паза харындазына хынминчатхан кізі Худайдаң тӧрібеен.

1 Иоанның 3:23

Худайның чахии мындағ: Аның Оолғына, Иисус Христосха, киртінері паза, хайди Иисус Христос піске чахаан, іди удур-тӧдір хынызары.

1 Иоанның 4:21

Худай піске мындағ чахығ пирген: Худайға хынчатхан кізі позының харындазына даа хынзын.