Колоссадағыларға 2:8 - Наа Молҷағ

⁸ Кӧріңер зе, харындастарым, піреезі сірерні хыйға чоохтарынаң, алаахтырыстың тик сӧстерінең, кізілер кибірінең, тилекейні пӱдірчеткен кӱстерінең аптап албазын. Анзы Христостаң нимес.

Колоссадағыларға 2:8 ပူးပေါင်းရင်းမြစ်များ

Матфей 10:17

Кізілер сірерні чарғаа пир турарлар, синагогаларында сірерні соғарлар, аннаңар олардаң китеніңер.

Матфей 16:6

Иисус оларға теен: – Кӧріңер, фарисейлернең саддукейлернің ачытхыларынаң китеніңер. –

Матфей 7:15

Чой ухаанҷылардаң китеніңер. Тастынаң кӧрзе, олар хойларға тӧӧйлер, че істінең олар пӱӱрлер осхастар!

Илҷілернің 17:18

Андағы эпикурей паза стоик философтарның хай піреезі Павелнең чоохтасхан. Павел кізілерге Иисустаңар паза Аның тірілгенінеңер Чахсы Хабар искірчеткеннеңер, піреелері чоохтанғаннар: «Ниме тирге сағынча пу хуруғ тіл?» Че пасхалары тееннер: «Ол піске пасха худайлардаңар чоохтапча ба таң».

Илҷілернің 17:32

Ӧлімнең тірілдіріп алчатханын истіп, піреелері кӱлгеннер, пасхалары, тізең, чоохтанғаннар: – Ол нимедеңер сині пірее пасха туста истіп аларбыс.

Римдегілерге 16:17

Харындастар! Тигіриблерні чарчатхан паза сірер ӱгренген ӱгредігдең чара тартчатхан кізілердең китеніңер, олардаң хыйа полыңар тіп алданчам.

1 Коринфтегілерге 10:12

Аннаңар кем турчам тіп сағынча, аңдарыл парбим тіп, сизініп одырзын.

1 Коринфтегілерге 8:9

Че, сизініңер, сірер постарың пӧкчеткеннерің пик киртініс чохтарға чазыхха кір парарға сылтағ пол парбазын.

2 Коринфтегілерге 10:5

Худайны пілерге тоғыр полчатхан ноо даа кӧкеесімненісті аңдарчабыс. Ноо даа сағысты, кӱснең алып алып, Христостың ӱлгӱзіне кирчебіс.

Галат чиріндегілерге 1:14

Пістің сӧӧктегі пір кіримнерімнің аразында иудей чозахтарын мин прайзынаң артых толдырғам, ағаларыбыстың чахығларын кӧмес тее хыйыстырбасха кӱстенгем.

Галат чиріндегілерге 4:3

Піс тее ідӧк, олған тузыбыста, пу тилекейні пӱдірчеткен кӱстернің ӱлгӱзінде полғабыс.

Галат чиріндегілерге 4:9

Амды Худайны піліп алғазар, алай аннаң артых чоохтаза, Худай сірерні піліп алғанда, ноға хатап пу тилекейнің чазығ, уйан кӱстеріне айланчазар паза постарыңны ағаа хул идін саларға сағынчазар.

Галат чиріндегілерге 5:15

Кӧріңер, удур-тӧдір киміріспеңер, чииспеңер, пос постарыңны чох ит салҷаң полбаңар.

Ефестегілерге 2:2

Хаҷан-да сірер, пу чир ӱстӱндегілернің чабал чолларынҷа парып, чир ӱстӱнде ӱлгӱ тутчатхан кнестің кӧңнінҷе полғазар. Ол ам даа Худайның чооғын испинчеткен кізілерні толғап парча.

Ефестегілерге 4:20

Че пу – сірернің Христостаңар ӱгренген пілістерің нимес.

Ефестегілерге 5:6

Сірерні пірдеезі тик-хуруғ сӧстернең алаахтырбазын. Андағ нимелер ӱчӱн чоох испестерге Худайның тарынғаны чидер.

Филипптегілерге 3:2

Адай осхастардаң китеніңер, чабал итчеткеннердең китеніңер, сӱннет идерінең китеніңер.

Колоссадағыларға 2:18

Посты пазынарға, ангеллерге пазырарға хынчатханнарның пірдеезі сірерні аптап албазын. Постары кӧрбеен нимедеңер чоохтап, кізілер постарының хыйғаларынаң махтанысчалар.

Колоссадағыларға 2:20

Аннаңар сірер, Христоснаң хада ӧл парып, тилекейнің кӱстерінең позып парғазар. Андағда ноға сірер, пу чарыхта чуртапчатханнар чіли, ӱгредіглерге тудынчазар:

Колоссадағыларға 2:22

пу чахығларнаң тузаланчатса, олар чох идеріне ағылчалар. (Пу тузаланған хоостыра чох пол парыбысчатхан нимелер). Олар кізі чахығларына паза ӱгредиине тӧстенчелер нооза.

Колоссадағыларға 2:23

Пу нименің кӧрімі ле хыйға: пос кӧңнінҷе Худайға пазырғаны, посты пазынғаны, ит-ханны илеткені. Че олар кізі хынығыстарын чох идерінде тузазы чохтар.

1 Тимофейге 6:20

Че, Тимофей! Сағаа пирілгенні хайраллап хал. «Піліс» теен нименең айғасчатхан паза сағаа тоғырланчатхан кізілернең Худайдаң тоғыр тик таластардаң хыйа пол.

2 Тимофейге 3:13

Чабаллар, чойлар, тізең, алаахтырып, алаахтыртып, чабалның тӱбіне тӱзерлер.

Еврейлерге 13:9

Ӧң-пасха паза пасхаҷыл ӱгредіглерге сірерні сын чолдаң апарыбызарға пирбеңер. Ниме чирге алай чібеске тіп чоохтапчатхан ӱгредіглер нимес, Худай паарсазы чӱректеріңні пик итсін. Андағ ӱгредіглернең айғасчатхан кізілер олардаң пір дее туза албинчалар.

Еврейлерге 3:12

Харындастар! Чӱректерің чабал, сын нимес полбазын, тіріг Худайыбыстаң хыйа парбазын тіп, сизініңер.

1 Петрның 1:18

Ӧбекелердең алған тик чуртастаң позыдыл парғаннарыңны пілчезер: сірернің ӱчӱн уурап парчатхан алтын-кӱмӱснең тӧлелбеен нооза.

2 Петрның 3:17

Хынғаннарым! Мыны пілчеткеннеріңде, сизініп одырыңар. Андағда сірер Худай ӱлгӱзіне чарадынминчатхан кізілернің алҷаастарына тартыл парыбыспассар паза пик пілістеріңнең хыйыспассар.

2 Иоанның 1:8

Ниме ӱчӱн тоғынғабыс, аны чідірбин, Худайның сыйиин прай алып алар ӱчӱн, постарыңны сиргек тудыныңар.