Колоссадағыларға 2:5 - Наа Молҷағ

⁵ Мин пу позым сірернең хада полбазам даа, худым сірернең хада. Сірер орта тудынчатханыңарны паза Христосха пик киртінчеткеніңерні кӧріп, ӧрінчем.

Колоссадағыларға 2:5 ပူးပေါင်းရင်းမြစ်များ

Илҷілернің 2:42

Олар, тӧреміл илҷілернің ӱгредіглерінде полып, тоғазығларда аралазып, хада чиис чіп, пазыр турҷаңнар.

Илҷілернің 20:21

Мин иудейлерні дее, гректерні дее, чазыхтаң хыйа полып, Худайзар айланарға паза пістің Хан-пигібіс Иисус Христосха киртінерге ӱгреткем.

1 Коринфтегілерге 11:34

Сірер чыылыссар, Худай сірерні хатығлабас ӱчӱн, астапчатхан кізі ибде азыранып алчатсын. Пасхазын позым килзем, чоохтағлап саларбын.

1 Коринфтегілерге 14:40

Че итсе дее, прай ниме ипти паза оңдайли поларға кирек.

1 Коринфтегілерге 15:58

Аннаңар, хынған харындастарым, пик сағыстығ, тӧдір пазынмас полыңар. Хан-пигнің алнында сірер итчеткен кирееңер тик полбинчатханын пілчеткеннеріңде, Хан-пигнің киреенде маңнанысха чидіңер.

1 Коринфтегілерге 16:13

Сизіктіг полыңар, киртіністе сыдамах тудыныңар, пик сындырлығ полыңар.

Колоссадағыларға 2:1

Сірернің паза Лаодик саардағыларның, ідӧк мині сын позымны кӧрбеен прайзының ӱчӱн хайдағ кӱрезіг апарчатханымны сірерні пілзіннер тіп сағынчам.

1 Фессалониктегілерге 2:17

Харындастар! Піс сірердең ӱр нимеске ӧкіс хала парғаныбыста – итсе, чӱреебісте піс сірернең хаҷан даа чарылыспаабыс – сірерні кӧрерібіс уғаа тың килчеткеннеңер, сірерзер айланарға кӱстенгебіс.

1 Фессалониктегілерге 3:8

Амды Хан-пигібіске киртіністе пик тудынчатханыңарны пілчеткенібісте, піске дее чуртирға ниик полыбысты.

Еврейлерге 3:14

Піс Христоснаң хада тоғынчабыс. Сынап пастабох алған чуртасты ікінҷілес чох читіре хайраллап халзабыс, іди ле пол турар.

Еврейлерге 6:19

Пу ізеніс піске пик паза ізестіг керіп кӧспезі осхас полча. Ол ізеніс пісті Худай храмының кӧзеңезі кистіндегі иң ызых орынзар апарча.

1 Петрның 5:9

Пик киртіністеріңнең ағаа тоғырланыңар. Тилекейдегі пасха даа харындастарыңа андағох ирееленістер кӧрерге килісчеткенін пілчезер нооза.