Колоссадағыларға 2:20 - Наа Молҷағ

²⁰ Аннаңар сірер, Христоснаң хада ӧл парып, тилекейнің кӱстерінең позып парғазар. Андағда ноға сірер, пу чарыхта чуртапчатханнар чіли, ӱгредіглерге тудынчазар:

Колоссадағыларға 2:20 ပူးပေါင်းရင်းမြစ်များ

Иоанн 15:19

Сірер чир-чалбахтағы кізілер полған ползаңар, андада чир-чалбах сірерге хынарҷых. Че сірер чир-чалбахтаң нимессер, Мин сірерні чир-чалбахтаң таллап алғаннаңар, чир-чалбахтағы кізілер сірерні хырт кӧрчелер.

2 Коринфтегілерге 10:3

Піс, пу чирде чӧріп, пу чирдегілернің оңдайынҷа кӱреспинчебіс нооза.

Галат чиріндегілерге 4:3

Піс тее ідӧк, олған тузыбыста, пу тилекейні пӱдірчеткен кӱстернің ӱлгӱзінде полғабыс.

Галат чиріндегілерге 6:14

Мин, тізең, пір дее нименең махтанарға хынминчам. Хан-пигібіс Иисус Христостың кірезінең не махтанарбын. Мағаа пу тилекей кіресте хазал парған, мин дее пу тилекейге кіреске хазаттырт салғам.

Ефестегілерге 2:15

Ікі кізідең Позында пір наа кізіні чайап салар ӱчӱн, Моисей Чахиин, чозахтарын, кибірлерін чох идіп, чоннарны чарастыр салған.

Колоссадағыларға 2:14

пістең тоғыр пазылған алымнар пічиин чох иткен. Ол аны, сірердең хыйа алып, кіреске хазап салған.

Колоссадағыларға 2:16

Аннаңар сірер чеен-іскен нименің ӱчӱн, сірер ӱлӱкӱннерні, наа ай пайрамын, суббота кӱнін таныхтаан-таныхтабааннарың ӱчӱн пірдеезі сірерні пыролабазын.

Колоссадағыларға 2:21

«мыны итпе», «чібе», «теңме» –

Колоссадағыларға 2:8

Кӧріңер зе, харындастарым, піреезі сірерні хыйға чоохтарынаң, алаахтырыстың тик сӧстерінең, кізілер кибірінең, тилекейні пӱдірчеткен кӱстерінең аптап албазын. Анзы Христостаң нимес.

Колоссадағыларға 3:3

Сірер ӧл парғазар нооза, сірернің чуртазыңар, тізең, Христоснаң хада Худайда чазырыл парған.

Еврейлерге 13:9

Ӧң-пасха паза пасхаҷыл ӱгредіглерге сірерні сын чолдаң апарыбызарға пирбеңер. Ниме чирге алай чібеске тіп чоохтапчатхан ӱгредіглер нимес, Худай паарсазы чӱректеріңні пик итсін. Андағ ӱгредіглернең айғасчатхан кізілер олардаң пір дее туза албинчалар.

Иаковтың 4:4

Чӧреестер, пілбинчезер бе, пу Худайы чох чуртаснаң ынағласханы, Худайнаң ыырласханы полча. Кем андағ чуртаснаң ынағласча, ол Худайның ыырҷызы пол парар.

1 Иоанның 5:19

Худайни полчатханыбысты пілчебіс, тиксі-тилекейнің чабал кӱзі алтында полчатханын даа пілчебіс.