Колоссадағыларға 2:16 - Наа Молҷағ

¹⁶ Аннаңар сірер чеен-іскен нименің ӱчӱн, сірер ӱлӱкӱннерні, наа ай пайрамын, суббота кӱнін таныхтаан-таныхтабааннарың ӱчӱн пірдеезі сірерні пыролабазын.

Колоссадағыларға 2:16 ပူးပေါင်းရင်းမြစ်များ

Матфей 15:11

Кізіні ахсына кірчеткен ниме кірліг итпинче, че ахсынаң сыхчатхан сӧстер кізіні кірліг итче.

Марк 7:19

Ол, аның чӱреене нимес, хурсағына кіріп, сығара тасталча. Анынаң Ол ноо даа тамах арығ полчатханын чарлаан.

Илҷілернің 15:20

Че оларға піди пас пирерге кирек – чой худайларға салылған чиисті чібеске, чӧреес хылыхтығ полбасха, поо пазылған малның идін чібеске паза ханны іспеске, постары хынминчатхан нимелерні пасхаларына итпеске.

Римдегілерге 14:10

Син, тізең, ноға харындазыңны хомайлапчазың? Алай ноға харындазыңны нимее салбинчазың? Піс прайзыбыс Христостың чарғызында турарбыс нооза.

Галат чиріндегілерге 4:10

Кӱннерні, ай-чыл пайрамнарын паза пасха даа тустарны ӱлӱкӱннепчезер.

Колоссадағыларға 2:20

Аннаңар сірер, Христоснаң хада ӧл парып, тилекейнің кӱстерінең позып парғазар. Андағда ноға сірер, пу чарыхта чуртапчатханнар чіли, ӱгредіглерге тудынчазар:

Еврейлерге 13:9

Ӧң-пасха паза пасхаҷыл ӱгредіглерге сірерні сын чолдаң апарыбызарға пирбеңер. Ниме чирге алай чібеске тіп чоохтапчатхан ӱгредіглер нимес, Худай паарсазы чӱректеріңні пик итсін. Андағ ӱгредіглернең айғасчатхан кізілер олардаң пір дее туза албинчалар.

Еврейлерге 9:10

Моисей Чахииның чарадығлары чиилчеткен, ізілчеткен нимелердеңер, аймах чууныстардаңар чоохтапчалар. Олар ідӧк кізінің істін алыстырбинчатхан чахығлардаңар чоохтапчалар. Олар Худай прай нимені наа оңдайнаң идібізер тусха теере пиріл парғаннар.

Иаковтың 4:11

Харындастар, удур-тӧдір хоп сығарыспаңар. Харындазының соона тӱсчеткен алай аны ӱзӱрчеткен кізі чахығны хоптапча. Чахығны ӱзӱрчетсең, син аны толдырбинчазың, че чарғылапчазың.