Колоссадағыларға 2:15 - Наа Молҷағ

¹⁵ Пастыхтарның паза ӱлгӱлернің кӱзін пылазып, оларны прай чоннарның алнында іле сығарып, Позының чиңізін пайрам чорығынаң таныхтаан.

Колоссадағыларға 2:15 ပူးပေါင်းရင်းမြစ်များ

Матфей 12:29

Піреезі, кӱстіг кізінің туразынзар кіріп, аны пастап палғап албаза, туразындағы нимелерін хайди оғырлап алар? Палғап алза, андада туразын тонап алар.

Лука 10:18

Иисус оларға теен: – Тигірдең чалын на чіли тӱсчеткен сайтанны кӧргем.

Лука 11:22

Че хаҷан аннаңох кӱстіг кізі, киліп, чиңіп алза, андада, пайаағы кізінің ізенчеткен прай тириин алып, аның ис-пайын ӱлестірер.

Иоанн 16:11

Ол оларға, чир-чалбахтың кнезін – сайтанны – чарғылап, Худайның чарғызын кӧзіт пирер.

Иоанн 19:30

Иисус, арағаны сорып, чоохтанған: – Полҷаң ниме пол парды! Анаң, пазын тӱзірібізіп, ӱреп парған.

1 Коринфтегілерге 15:24

Андада прай нименің тоозылғаны полар. Христос прай пастыхтарны, ӱлгӱлерні, кӱстерні чиңіп алар паза Позының хан-ӱлгӱзін Худай-Пабаа пир салар.

2 Коринфтегілерге 2:14

Че Худайға алғыс! Піс Христоснаң хада полчатсабыс, Худай піске хаҷан даа чиңіс пайрамнирын пирче. Ол Христостаңар пілісті, тадылығ чысты чіли, пістің пастыра прай чирде таратча.

2 Коринфтегілерге 4:4

Ол кізілер киртінминчелер. Пу чабал тустың худайы полчатхан сайтан оларның сағыстарын харасхыда тутча. Ол Христостың сабланызынаңар чарлапчатхан Чахсы Хабарның чариин кӧрерге пирбинче. Че Христос Худайның омазы полча нооза.

Ефестегілерге 3:10

Че амды Ол тигірдегі пастыхтарға паза ӱлгӱдегілерге Позының аллығ, кӱлӱк сағызын тигіриб пастыра ас пирер.

Ефестегілерге 4:8

Аннаңар Худайның пічиинде чоохталча: «Христос иң пӧзік ӧӧрлеп парыбысхан, ыырҷыларын, тудып, апара халған, кізілерге, тізең, сыйыхтар пирген».

Ефестегілерге 6:12

Піс олаңай кізілердең тоғыр чааласпинчабыс, анзын піліңер. Піс тигірдең тӱскен пастыхтардаң, ӱлгӱдегілердең, пу чир ӱстӱндегі харасхы кӱстернің устағҷыларынаң, чабал хуттардаң тоғыр чааласчабыс.

Колоссадағыларға 1:16

Тигірдегізі паза чирдегізі, кӧрінчеткені паза кӧрінмезі – прай ниме Аның пастыра пӱткен: ӱлгӱ сіреелерінде одырчатханнар ба, хан-пиг полчатханнар ба, пастыхтар ба, ӱлгӱлер бе – прай ол Аның пастыра паза Ағаа пӱдірілген.

Колоссадағыларға 2:10

Сірерде дее Христостың пастыра Худайның толдыразы пар. Христос ноо даа пастыхтың паза ӱлгӱнің пазы полча.

Еврейлерге 2:14

Пу палалар ит-ханнығ кізілер полчатханнаңар, Иисус таа оларох осхас: кізі ит-ханында килген. Ол анзын кізілерні ӧлімге ағылҷаң кӱзі пар сайтанны Позының ӧлімінең чиңіп алар ӱчӱн иткен.

Азых чоох 12:9

Ол илбек сыр чылан – пурунғы чылан полған, аны диавол алай сайтан тіп адапчалар. Прай чир ӱстӱндегі чоннарны алаахтырчатхан сыр чылан позының ангеллерінең хада чирзер тастатхан.

Азых чоох 20:10

Оларны алаахтырған сайтан кӧйчеткен сералығ кӧлзер тастатхан. Андарох аң паза чой ухаанҷы тастаттыртханнар. Анда олар хараа-кӱнӧрте хаҷан даа иреелен турарлар.